نوحه محرم گلدی از سید صادق موسوی ترکمانی 1443 (کلیپ، صوت، متن)
| پیوست | اندازه |
|---|---|
| نوحه محرم گلدی از سید صادق موسوی ترکمانی 1443 | 61.78 مگابایت |
نوحه محرم گلدی از سید صادق موسوی ترکمانی 1443 (کلیپ، صوت، متن)
مداحی ترکی جدید سید صادق موسوی ترکمانی از کرکوک عراق با عنوان «محرم گلدی» با شعری زیبا از استاد کلامی زنجانی - محرم الحرام سال 1443 ه.ق (1400 ش)
متن نوحه «محرم گلدی» از سیدصادق موسوی ترکمانی:
گینه یاران داشدی بحر بلا
شاه کرب وْ بلا، یاسی باشلاندی
خانم زهرا، سالدی باشه قارا
سیّدالشهدا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
چکوب قاره، آسمانه فلک
ساکنان فلک، نوحه خوان اولدی
سماواته، ناله سالدی طنین
قلبی فاطمه نین، لخته قان اولدی
بوماتمده، یاندی قلب نبی
نازدانه سی بی آشیان اولدی
آچوب باشون، یکسر اهل سما
خمسة النّجبا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
معابرده، صف چکنلره باخ
سینه زن لره باخ، سینه داغلولّار
دوشوب شیعه، بحر درد وْ غمه
مسجده علمه، قارا باغلولّار
سالوب یاده، فاطمه بالاسون
قلبینین یاراسون، باهم آغلولّار
دئیور زهرا؛ جان یارالی بالا
شاه مُلک ولاء، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
وورور باشه، عاشقان علی
شیعیان علی، بو مصیبتده
علی سسلور، سیندی بال وْ پریم
اوْدلانوب جیگریم، نار محنتده
چخوب عرشه، سوز آه حسین
خیمه گاه حسین، یاندی غارتده
امان ای دل، ائیله آه وْ نوا
چون ولیّ خدا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
بو آیدا هر، کیم نوایه گله
آه و وایه گله، خوار وْ زار اوْلماز
قیامتده، اعتباره چاتار
افتخاره چاتار، اشگبار اوْلماز
ئؤلن وقته، ساغ سوْلا دوْلانوب
نار هجره یانوب، انتظار اوْلماز
گؤزوم آغلا، یاری ایله رضا
چون شفیع جزا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
بو گؤز یاشی، متّصل النور
گؤزده جلوه لنور، شام عاشورا
گلور یاده، غصّه خاطره سی
خیمه منظره سی، قوْرخولو صحرا
رباب آغلور، گؤزده خون جگر
غش ائدوب سودامر، آه وْ واویلا
دییور آلله، جان وئرور بو بالا
قالدی حالدان حالا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
گئجه گئچدی، اسدی باد خزان
مادر نگران، گلدی افغانه
ئوپوب بیرده، ماه پاره سینی
شیرخواره سینی، وئردی سلطانه
اوْغول گئتدی، شوق وصلتیله
تیر محنتیله، باتدی القانه
کماندان اوْخ، آتدی حرمله تا
طفل ماه لقا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
حسین باسدی، باغرینا بالانی
آتدی عرشه قانی، گؤیلر آغلاشدی
ائدوب تأثیر، عرشیانه غمی
خیمه ده حرم حیدر آغلاشدی
دئدی لایلای، ای یارالی بالا
سس چکوب اوْ حالا، لشگر آغلاشدی
آتاسندان، قوْوزانوب بو ندا
بانگ وا ولدا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
ال اوز قانلی، گلدی خیمه لره
تا ربابه وئره، اوْخلی قربانی
خانم زینب، چخدی تئز قاباغا
عرض ائدیبدی آغا، پوْزما زهرانی
عزیزم قلبیم، کباب ائلمه
گؤز یاشن المه، سن آنام جانی
دئیوم قوی گئیسون، قاراسین آنا
اوْغلی باتدی قانا، یاسی باشلاندی
محرّم گلدی، عزا گلدی
یئره گؤیلردن صدا گلدی
✹✹✹✹✹
عمه جان بابام گلور یانایانا
بلشوب دودغلاری قیزیل قانا
منه رمزیله دییور آغلامیون
کی مبادا علی اصغر اویانا
محرّم گلدی، عزا گلدی
یئره گؤیلردن صدا گلدی
✹✹✹✹✹
شاعر: کلامی زنجانی
✹✹✹✹✹
همه مداحی های سید صادق موسوی ترکمانی یا کرکوکی را از اینجا پیگیری کنید
افزودن دیدگاه جدید