تسلیم - بختیار وهاب زاده

تسلیم - بختیار وهاب زاده

آیریلیق مۆصیبت، آیریلیق ظۆلوم!
بو فانی دۆنیایا ایندی، آی گۆلوم،
سنین وارلیغینلا باغلانمیشام من،
روحوم قانادلانیر هر «جان» سؤزوندن.

تاپمیشام، آ گۆلوم، اؤزومو سنده،
مستم حیسّلرینین اینجه‌لیگیندن.
دۆنیا دردلریندن اینجیک دۆشنده
یئگانه تسلّی‌م سنسن، تکجه سن.

اؤزون بیر یاناسان، عشقین بیر یانا،
سنی هر دردیمه مرهم بیلمیشم.
بو ظالیم دۆنیانین عذابلارینا
سنه سئوگیم ایله اۆستون گلمیشم.