تاریخ انتشار: 03 دسامبر 2022 شماره مطلب: 44860 تعداد بازدید: 182 نظرات: 0
انجمنها:
اؤزومدن ناراضی یام - بختیار وهاب زاده
طبیعتین کؤنول آچان
مین رنگی، مین سسی وار.
هر کؤنولون مین آرزوسو،
مین رنگلی نغمه سی وار.
بو آرزولار، بو نغمه لر،
بو سسلر بیر ساز کیمی
منیم سولغون سؤزلریمده
هئچ دیل آچا بیلدی می؟
حیسّیم درین، سؤزوم سولغون،
قلبیم گئنیش، سینه م دار.
مندن اوّل دوغلوبدور
سینه مده کی دویغولار.
سهو آتیلان آددیملاری
سونرادان آنلاییرام؛
باخیب ویجدان گۆزگوسونه،
اؤزومو دانلاییرام.
سیز ای یانلیش آددیملاریم،
منی درده سالدینیز
من سیزله دؤیوشدوکجه
گۆن-گۆندن چوخالدینیز.
من حاق-حئساب ایسته ییرم
گئجه لر گۆندوزومدن؛
ناراحاتام، ناراضی یام
عؤمروم بویو اؤزومدن.
بیزیم صنعت دۆنیاسی نین
قؽریق تئللی سازی یام؛
بیرجه بوندان راضی یام کی،
اؤزومدن ناراضی یام.
![Share](/sites/all/modules/addtoany/images/share_save_171_16.png)