نوار "بازگشت هنده" از حاج سلیم موذن زاده 1362
نوار "بازگشت هنده" و مصیبت حضرت رقیه سلام الله علیها با صدای مرحوم حاج سلیم موذن زاده اردبیلی مـربـوط به سـال 1362 ش
مدت : یک ساعت
نوحه بازگشت هنده با شعری از مرحوم یحیوی اردبیلی
هنده بیر صاحب اخلاق و کمال عورتیدی
بنت عبدالله عامر، نجبا نسبتیدی
سابقاً شاه ولایت ائوینه كلفتیدی
خدمت ایلردی خانم زینب کبرایه مدام
سوپوروب صحن شریفین ائلدی کسبه مقام
اونی آزاد ایلدی بانوی فرخنده لقا
شامه گلدی او زن پاک دل و پاک نما
مطلع حسن و جمالیدی بدیع السّیما
ازدواج ائتدی او گنجینه عصمتله یزید
حرمه قیلدی حرم باشی محبتله یزید
نئچه مدت که سراپرده ده اول زهره جبین
حکمفرمائیدی شام اهلینه مغرور و متین
تخت تالار حرمده ملکه صدر نشین
اهل حاجت اونا آد قویموشیدی باب امید
ائله محبوبیدی امرین یئره سالمازدی یزید
ناگهان گردش ایام ایلدی ترسه مدار
اولدو اقبال یزید اسب مراد اوسته سوار
قیلدی طاووس رسول اللهی مکریله شکار
بیر گون عرضینده بنی هاشمی مظلوم ائلدی
ابدالدهر اوزینی لعنته محکوم ائلدی
دهم ماه محرم او سیه روز عزا
گل ورقلندى خزان اولدی بهار زهرا
قطعه قطعه ائلدی جسم حسینی اعدا
اهل بیتی باش آچوق ناقه سوار ایلدیلر
آپاروب شامده ویرانه ده خوار ایلدیلر
نئجه ویرانه اوچوق مسجدیدی کهنه حصار
نه اونون سقفی نه دروازه سی نه غرفه سی وار
هر طرفدن یئل اسنده بوره یور گرد و غبار
نجه گور زینبه تنگ اولدی او وسعتده جهان
بیر بیله یرده او بانوی ادب قیلدی مکان
او فشاریله خانم وئرمدى الدن ادبین
بیر گئجه قویمادی فوته گئده اعمال شبین
اوتوروب قیلدی نمازین خبر آلسان سببین
چون كفایت قدری وئرمدیلر نان و طعام
دیزده اولسیدی اگر قوتی ایلردی قیام
گئجه نی اوچ یئره بولمشدی او گردون خدمه
اوّل شبده پرستاریدی اهل حرمه
نصف شب سجده ائدردی حق صاحب کرمه
آخر شبده یواش نوحه دیوب آغلاردی
باشی دالدان کسیلن شاهه عزا ساخلاردی
شمع ماتم اوره گینده گئجه لر حال نیاز
اریوب قلبی تک ایلردی اونون سوز و گداز
یانوب اول شمعه گئدردی آرادان پرده راز
صحنه کرب و بلا ظاهر اولوردو گؤزینه
شهدا نعشی گوروردی یخلوب یئر ئوزینه
هر زنانی کی گلوردی اولارون خدمتینه
زینبون واله اولوردی ادبی صحبتینه
صبرینه رافتینه عفتینه عصمتینه
اولماز عالمده دیردیله بو قدرتده خانم
بو فصاحتنده بلاغتده رشادتده خانم
واریدی نطق و بیانینده اونون بس که اثر
قیلدی عورتلره هر لفظی تجلای هنر
حرکات و سکناتی ایلیوب جلب نظر
نفسی عالی دی حقارت صفینه وورماز اؤزون
روزگاریله کشاکشده دی سندیرماز اؤزون
شامده ایو یوخیدی اولمیا اوندا تقریر
که گلوب شهره بیر عده نجبا زاده اسیر
آسمان شرف و عزته خورشید منیر
دختران ادب آموخته، با فضل زنان
گنج تک حیف اولا ویرانه نی ایتمیشله مكان
بیر گئجه خوش دلیدی هنده یزیدون حرمی
عیشه مشغولیدی دورینده کنیز و خدمی
ضمن صحبتده کنیزون بیری اول ذی حشمی
ماجرای اسف انگیزه خبردار ایلدی
خاک ویرانه ده گوردوکلرین اظهار ائلدی
ای حرمخانه سفیانیده بانوی کبیر
گورمیشم مسجد ویرانه ده بیر عده اسیر
ننچه خاتون مجلل نچه اطفال صغیر
درگه حقه مناجاتیده گؤردوم اولاری
سیرت اهل سماواتینه گؤردوم اولاری
بیر جوان سید نورانی نماسی مدنی
آهنین سلسلیه باغلیدو ناخوش بدنی
لحن قرانی سالور حیرته یولدان گئدنی
لهجه اهل حجازیله او شیرین دانیشور
هر کسه سالسا نظر، سرّ ضمیرین دانیشور
خردا قیزلار سولشوب چون گل نسرین توكلوب
یره گوگدن دیه سن خوشه پروین توکولوب
توز باسوب زلفلرین چگننه چین چین توکولوب
گرک اول زلفلر آرسته اولا شانه ئیلن
نه که آشفته لنه صرصر ویرانه ئیلن
بیر رشیده خانمی گؤردوم اوجاقامتی وار
هامی عورتلره قیزلاره مدیریتی وار
اگلشوب دورماقا دستور ویرور حرمتی وار
اوندان هر قیز کی طعام ایستسه رنگی سارالور
ال چکر زلفینه اشکین سیلر آغوشه آلور
هندیه وئردی کنیزون بو مقالاتی تکان
دوشدی بو فكره گؤره کیمدی او معقوله زنان
امر ایدوب خواجه سرالر گتوروب تخت روان
بوینونا سلسله درّ و جواهر سالدى
معجر اوستن باشا چادر شب فاخر سالدى
خط سیرینده دوشندی یئره قیمت لو فراش
یریور دورده نظمیله کنیز و قره باش
باشی اوسته آچیلوب چتر زراندود قماش
قباقیندا دوزولوبدور نئچه فانوس طلا
پرتو شمع ویرور طوق زر افشانه جلا
گئجه نون عالمى ظلماتیدی دارالاسرا
شمع لردن ایشیق الدی در ویرانه سرا
موکب هنده نون عکسی دوشوب اول مجلس آرا
او قرانلوقدان حسینون باجیسی سالدی نظر
اؤز کنیزین تانیدی وئردی اسیرانه خبر
دئدی اهل حرمه فوری منی دوره لیون
زلفله پرده چکون تا منی پنهان ایلیون
سیز منی زینب آدیلا چاغیروب سسلمیون
گؤرمسون هنده کنیزیم بو مصیبتده منی
قوری یئرده باش آچوق منزل ظلمتده منی
یئتشوب هنده به تشریف، و به اجلال تمام
یئره بیر صندلی قویدی در مسجدده غلام
او قیزیل صندلون اوستونده دوتوب هنده مقام
دیه سن تخت سبا بزم سلیمانه گلیب
بوراخیب اهرمنی ساحت سلطانه گلیب
ال ال اوسته دایانوب دوره ده خدام و کنیز
عود مجمرده یانور عطری اولور رایحه خیز
صاحب عزت اولوب خوار کنیز اولموش عزیز
تف بئله گردش دورانه دنی پروریمیش
مثل ابلیس لعین دشمن پیغمبریمیش
چون خرابه یئریدی عالم شب، تیره و تار
روشنائیده باخان گورمزدی اوردا نه وار
هنده حکم ایلدی کئچدی قباقا مشعله دار
او بلا صحنه سینه دوزدیله فانوس لری
تا که آیدین گؤره لر صورت محبوس لری
گؤردی بیر دسته بالا قیزدو حصیر اوسته یاتوب
نئچه بانوی سیه پوش اوتوروب یاسه باتوب
آرادا بیر خانم عورت یوزینه معجر آتوب
گیزله دی پرده ده عورتلر ایچینده اوزینی
باشینه قاره سالوب گؤرمه سون هنده یوزینی
دئدی ای گیزلنن عورت نیه احرامیده سن؟
نه گناهیله دوشوبسن خطره، شامیده سن؟
اولما اعرابده سن جرگه گمنامیده سن؟
سندیروبسوز بو حقارتله مقامین عربون
شهرتون وار، دی گؤروم شهروی اصل و نسبون
داخی بو کلمه ننگین ده قطع اولدی قرار
زینبون روحی بدنده سیخیلوب تاپدی فشار
دفعتا دوردی ایاق اوسته او مرضیه تبار
دئدی گوررم ایتوروبسن گهر معرفتون
سنی مغرور ایلیوب طنطنه سلطنتون
عامری نون قیزی سنده یوخیدی نقص بیان
نیه گمنام گوزیلن باخوسان خنده کنان
غبطه ایلر منیم اجدادیمه سادات جهان
حیطه کل قبایلده سپهر شرفم
آبرو و شرف و عصمتیله متّصفم
من حجاز اهلی، اؤزوم فخر نساء عربم
ساکن شهر مدینه، نبوی منتسبم
بانوی طایفه هاشم والا نسبم
بیر زمانیم واریدی دوش بتول عرشیمیدی
دامن صاحب معراج منیم فرشیمیدی
خواب غفلتنده یاتان هنده آیلدی یوخودان
خانمون کلمه سی گتدی اونا شور و هیجان
دئدی قربانون اولوم پرده لی سوز ایتمه بیان
منی بو کلمه لرون ائلدی آشفته خیال
وئر صداقتله جوابیم ایله سم هر نه سؤال
شهر یثربده گؤروبسن دی گؤروم طاهانی
یا علی یا حسنی، فاطمه زهرانی
یا حسین ختم نبی گلشنینون ریحانی
دانیشان دیللره قربان سوله بو مطلبی سن
هیچ زیارت ایلیوبسن خانمیم زینبی سن
نئچه ایللردو یانیندان گله نین گؤرمه میشم
زینبی گؤرمگه جان نقدینی نذر ایله میشم
تربیت المیشام اوندان چوره گین چوخ یئمیشم
ائولرینده یوموشام رخت حسین و حسنی
تاپمشام سایه لطفنده همین مرتبه نی
دئدی زینب غم زهراده اوزوم آغلامیشام
سحر آخشاملار او خاتونه عزا ساخلامیشام
هم علینون باشینون یاره سینی باغلامیشام
سولدوراندا حسنون رنگینی زهرون اثری
دیزیمون اوسته باشی طشته توكولدی جگری
او حسینی کی دئدون فاطمه نون جسمینه جان
باجیسی زینبه آرام دل و روح روان
ایسته سون گر او حسندن تاپلور منده نشان
آیری دوشمز او نشان زلف پریشانیمدن
اونی ارزشده مقدم دوتارام جانیمدن
هاردا کشتی سی حسینون بیلورم لنگر آتوب
قوم و قارداشی اوزی ورطه طوفانه باتوب
باجی سی هاردادی الساعه اوزی هاردا یاتوب
بوندان آرتوخ داخی سن ایتمه گلن پرسش حال
بیلدیگیم قدری جوابون دیدیم ای اهل سؤال
چون خانمدان ایشیدوب هنده غم افزا سخنی
تحت تاثیره کچوب تتردی بیردن بدنی
آند وئررم دیدی من سید طاهایه سنی
منی تشویشه سالوب ایتمه نهان شهرتوی
معجرون ئوزدن آیر بیرجه گؤروم صورتوی
دیدی زینب منه تکلیف ایدوسن امر خطیر
دایانوب دوره ده نامحرم اولان مرد کثیر
سن سالوبسان باشووا چادر و روبند حریر
یوزیمی بوکموشم اما بوقرا معجره من
نجه نامحرم ایچینده باش آچوم سن گوره سن
قیلسون اجرا اگر امریه پیغمبروی
رد ایله ایندی کناره گیده نوکرلروی
پس از آن گور یوزیمی روشن ایله گوزلروی
ائشیدوب هنده اونون موعظه محکمینی
قصرینه قیلدی روان عده نامحرمینی
هنده نی قیلدی مخاطب دیدی اول بنت بتول
نگران اولما اولوب ایله دیگون نذر قبول
بوردا ویرانه نشین دور نئجه گور آل رسول
دوست قوى ادوی صندلده اوتور عزتیلن
فخر ایله ایسته دیگون زینبه باخ دقتیلن
هنده کی زینبی بو حالدا گتوردو نظره
آتدی چادر شبینی مقدم عزت اثره
صورا نیمتاجینی باشدان گوتوروب ووردی یئره
یاخاسین پاره لیوب روحی قفسده سخیلوب
هنده دیوانه صفت صندلون اوستن یخیلوب
سندیروب شأننی احوالی دگرگون گورونوب
عجزیله توپراقا دوشدی یوزی اوسته سورونوب
جامه سلطنتی خاک ندامت بورونوب
زینبون اوپدی ایاقین او نمک خوار غیور
بو نه محنتدی دوشوبسن دیدی ای کوکب نور
هنده نون کاش خانم سایه گلیدی گوزینه
اولمیوبدور سیزه نسبت متوجه سوزینه
وای نجه من باخارام حشرده زهرا یوزینه
برخلاف ادب عرضیمی ادا ایلمیشم
منی عفو ایله خانم خبط و خطا ایلمیشم
عرشه اوج ایتدی شدیداً او نوا زمزمه سی
ایاقا دوردی یریندن اسرا سلسله سی
لرزیه سالدی اوجا قصرلیی ضجه سسی
آچدی زهرا قیزی غم دفترینی قیلدی فغان
کربلا واقعه سین ایتدی بو دیللرله بیان
سیل کیمی لشکری بیر گونده روان ایتدی یزید
گلشن حضرت زهرانی خزان ایتدی یزید
نجه گور قامتیمی اگدی کمان ایتدی یزید
زینبون الدن الیب یئددی جوان قارداشینی
ساخلیوب طشتنده تخت آلتدا حسینون باشینی
گوز یاشین خون حسینیله گلاب ایلمیشم
آغاران زلفیمه باخ قانی خضاب ایلمیشم
اونی افشان ایلیوب یوزده نقاب ایلمیشم
یتمدی شامه گلن وقته الیم معجریمه
تار زلفیمله کفن بیچدیم علی اصغریمه
نوجوانان بنی فاطمه نی دوغرادیار
سودامر دیلسیز اوشاقلاریمزی اوخلادیلار
یاندیروب خیمه نى قوللاریمزی باغلادیلار
سیر ایله هنده یزیدون بیزیلن کج روشین
اولمشوق ایندی همین شامده ویرانه نشین
(یحیوی) هنده نون احوالینی تشریح ائله دون
زینبون غملی مصیباتینی توضیح ائله دون
ال سفیان عملین شعرده تقبیح ائله دون
بیله جک ملک سخن ده ادبا قیمتووی
وئره جک خیر ورا، روز جزا خلعتووی
مطالب مرتبط
![Share](/sites/all/modules/addtoany/images/share_save_171_16.png)
دیدگاهها
عالی
عالی خدا با امام حسین (ع) همنشین کنه
بسیار بسیار عالی و هنری . من لذت بردم . ممنونم
به به، به به
خدا رحمت کند یحیوی و سلیم را، روحشان شاد
خدا رحمت کند اموات شما را که با این صدای آسمانی قلب ما را صفا دادید
واقعا فیض بردم
اجرتان با أباعبدالله
واقعا اشعار به این زیبایی و رسایی بایستی با صدای زیبای سلیم موذن زاده با هم ترکیب بشه تا یک چنین شاهکاری تحویل بشه
جزاک الله خیرا
خیلی نوحه باحال وسوزناک است من ازسال تقریبا۷۰ عاشق این نوحه هستم ۳۰سال پیش ازپانزده سالگی واقعانوحه هنده خیلی عالیه عاشقشم
خدا رحمتشون کنه شاهکار هستش این اثر
خیلی عالیه خدا درروز قیامت با امام حسین علیه السلام محشورش کنه
نوحه هنده و خرابه شام از آثار ماندگار استاد سلیم هست و من هر سال ماه محرم گوش میدم واقعا شاهکاره دو نمیشه توصیف کرد
بسیار عالی بسیار عالی از بس این نوحه را دوست دارم همزمان با ورزش روی تردمیل گوش می کنم و اشک می ریزم.