شعر ترکی حضرت رقیه سلام الله-رحیم منزوی اردبیلی
شوق دیدار حسینی گل باشوندان آت رقیه
بو قوری تپراقلار اوسته باشوی قوی یات رقیه
آغلاما سن یادگار شهریار محتشم سن
صولموسان گر چه جفادن نو گل گلزار غم سن
بو صغیره سنویلن عشقیده ثابت قدم سن
صبر ایله تحصیل تصدیق ایت مرامه چات رقیه
بالشه گلمور گمانیم آغلاما ای شاهزاده
ناز پرورده باشوی قوی تپراق اوسته گلمه داده
عزتون گئتدی الوندن قالدی دشت کربلاده
بالش پرقونی صبر ایت خشته خامه سات رقیه
ای منیم آرام جانیم لشگر غم دستگیری
آغلاما آغلاتما عمون زینبین یوخدور حریری
یات قوری یرده قیزیم چک اوستوه کهنه حصیری
ایندی در بو ترابی سن ترابه قات رقیه
قلبیمی یاندرما صبر ایت ای حسینمدن نشانه
آغلاما یا آغلوسان اکبر آدین ایتمه بهانه
سن دینده اکبریم وای تئز گلور لیلا فغانه
اکبری یاده سالوب لیلانی آز آغلات رقیه
اکبرون مندن سوروشما توکمه گوزدن قانلی یاشی
گیت خبر لیلادن آل بو ماجرای دلخراشی
گورمدون آیا گلنده نیزه باشینده او باشی
منتظر اولما وصالی خاطروندن آت رقیه
غصه دن قلبیم منیمده سن کیمی القان اولوبدی
ئولدوروب دشمن حسینی منزلیم ویران اولوبدی
اکبرونده اصغرونده قاننه غلطان اولوبدی
ایندی سنده اکبرون تک تپراق اوسته یات رقیه
ناله وی شمر ایندی درک ایتسه گلر ای دل شکسته
الده قمچی نیلرم گلسه قیزیم من زارو خسته
قویموسان تپراقه باشون باری گل یات سینم اوسته
بالش نازه بو غملی سینمی اوخشات رقیه
(( منزوی )) آدیمدی ای شه نوکرم مدت قاپوندا
بیر بیاباندا منه ویردن نجات ای شاه والا
اوندا من بو مصرعی آغلار گوزیله ایتدیم انشاء
شوق دیدار حسینی گل باشوندان آت رقیه
❖ ❖ ❖ ❖ ❖
شعر از : رحیم منزوی اردبیلی
مطالب مرتبط
