تاریخ انتشار: 09 ژانویه 2021 شماره مطلب: 34242 تعداد بازدید: 375 نظرات: 0
انجمنها:
داغیدان منی - عاشیق علی عسگر
الفین حؤکمیله، جیم فرمانیینان،
آرا کلمه-کلمه داغیت عمهنی.
وعدم تمامدیسا، گل آل جانیمی.
قورتار بو دوگوندن، داغیدان منی!
شوخ گوزلده بیر سینه وار، بیر اینجه،
گوردوم، دردیم اولدو داغلار بیرینجه،
روغنیم، حدینده یئتیر بیرینجه،
یاندیریب کئچیرمه داغیدان منی!
ساغ دستینله دردلی سریم اورسانا!
لازمدر که، اوچوسونو اورسانا،
گوزون تمناسی سالیب اورسانا
شاهمار تك اندیرر داغیدان منی.
غربتده قالمیشام، بیر آیياريم وار.
قریب پهلوانام، بیر عياریم وار.
لطف ائیله اوستومه بیر، آی یاریم، وار.
داغیلسین اوستومدن داغیدان منی.
علیعسگرم، بیر داییم یوخ، بیر عمیم.
دار گونومده مددکاردی بیرهمیم.
گوز دییرکه، لبلریندن بیر امیم،
دیل دییر: مجلسی داغیت، ام منی!