تاریخ انتشار: 27 دسامبر 2020 شماره مطلب: 33867 تعداد بازدید: 417 نظرات: 0
انجمن‌ها:
دگمه‌میش - عاشیق علی عسگر
داد سنین الیندن، آ قانلی فلك..!
کونول حسرت قالدی یارا دگمه‌میش.
کهنه یارام قوور ائله‌دی تزه‌دن،
طبیب نشتر وورور، یارا دگمه‌میش..!
گوزوم قالدی الف-بئیده، یاسینده،
يارادانيم ئوزون یتیش یاسینده،
قالدیم سمندر تك غم دریاسیندا،
یاندی بال و پریم نارا دگمه‌میش.
علی‌عسگر عصیانین چیخیبدی ساندان،
ئولدورسن زنبوری ال چکمز شاندان،
هرجائی‌دن، مخنثدن، ناداندان
نه سوز قالدی صنعتکارا دگمه‌میش
