تاریخ انتشار: 18 دسامبر 2020 شماره مطلب: 33690 تعداد بازدید: 370 نظرات: 0
انجمن‌ها:
اولا - عاشیق علی عسگر
هر یئتن گوزله گوزل دئمرم،
گوزلده گرکدیر عشوه، ناز اولا.
بوخاقیندان عطر بنفشه گله.
قوینو گلشن اولا، بهار، یاز اولا.
هر گوره‌نده حسرت ایله ساریشا،
دییه -گوله، شیرین-شیرین دانیشا؛
ال دگنده تز-تز کوسه-باریشا،
اورتالیقدا صحبت اولا، ساز اولا.
نه اوزون، نه گودك، مناسب گرك.
آغیز، بورون نازك، دوداق کیپ گرك،
اندام بیللور، بدن گلدن صاف گرك،
بختین وورا بو نشاندا قیز اولا...
اردن بوشاناندان بیر آز کنار دور!
اری ئولن گوزله باخ، بوینونو بور!
علی‌عسگر، تورونو سن ترلانا قور،
بلکه تورا دوشن بیر شاهباز اولا.
