تاریخ انتشار: 18 دسامبر 2020 شماره مطلب: 33682 تعداد بازدید: 239 نظرات: 0
انجمنها:
عوضدی - عاشیق علی عسگر
گوزهللر سلطانی آی صلبی خانم،
ساللانیشین بیر ماحالا عوضدی.
گوزلرینه قیمت قویا بیلمییرم،
قاشین مینتومنليك مالا عوضدی.
صراحی گردنلی، قدی معتدل،
سنی خلق ائیلهییب جبار جلیل.
لبلرین شیرهسی آب سلسبیل،
لذتی دنیادا بالا عوضدی.
علیعسگرین عاغلین آلدین سریندن.
صاف گوهرسن، صراف سئچیب دریندن،
سن بیر گلسن شبنملرین تریندن
دیمک اولماز سنه لاله عوضدی.