تاریخ انتشار: 17 دسامبر 2020 شماره مطلب: 33645 تعداد بازدید: 303 نظرات: 0
انجمن‌ها:
دونوبدو - عاشیق علی عسگر
آلا گوزلو سندن آیری دوشه‌لی
آه چکمکدن باغریم قانا دونوبدور.
قد اگیلیب، گل ایرنگیم سارالیب.
خزان دگمیش گلستانا دونوبدو.
دیندیریرم دانیشمیرسان گولمورسن،
خبر آلیب احوالیمی بیلمیرسن،
اندیریبن مجلسیمه گلمیرسن،
یوخسا تختین سلیمانا دونوبدو؟
قیزیل گلو دسته-دسته دریبسن،
انکار ائیلمه‌ینن ایلقار ویریبسن.
یازیق علی‌عسگردن ئوز دوندریبسن،
یا بخت یاتیب، یا زمانا دونوبدو.
