شعر ترکی احوالات حضرت رقیه ( س ) راه شام-رحیم منزوی اردبیلی
ای بیکس آنامدان منی چوخ ایستین عمه
من عمه دِیَن وقته منه جان دین عمه
دویدون نیه تئز عاجز اولان همسفروندن
مندن ئورگون اینجیدی سالدون نظروندن
ناراحت اولوب گوش فلک ناله سسیمدن
منع ائتدی منی آغلاماقیمدان هوسیمدن
چنگال ستم قوش کیمی گوتدی قفسیمدن
جانیم سیخلوب نیمه نفس سینه ده قالدی
گوردی قنادیم باغلیدی گویدن یره سالدی
قارداش بالاسین باجی سور قارداشا خاطر
یول یولداشی آهسته گیدر یولداشا خاطر
گوزله منی بو قانه دونن گوز یاشا خاطر
دوزدوم یره مرجان کیمی نظم اسرادن
تئز اینجیدون آخر نیه من بخت قرادن
یولداشیوی داغ داشلارا تاپشورما یواش گیت
هجر آتشی قلبیم ایوینه وورما یواش گیت
دشمن قاباقیندا منی سیندیرما یواش گیت
شام اهلی صولان گوللری بیر دسته بولوللر
سنلن منی بیر عشقیده پا بسته بولوللر
ایستوردوم اولام قافلۀ غم سراقیندا
آچدیم گوزومی بو گئجه نی غملی چاقیندا
گوردوم ئوزومی بیر خانم عورت قوجاقیندا
زلفی آغیدی معجری قاره یوزی نیلی
دگمیشدی او بیچاریه ده من کیمی سیلی
پهلوسینه قویموشدی الین اشکین الردی
هر لحظه اوغول وای دیوب آغلاردی ملردی
اودلی نفسیندن بابامون عطری گلردی
بیر اوخشاماقیلان تانیدیم سوز دلیندن
بولدوم که آنام فاطمه دی ئوپدوم الیندن
چکدی بیر الین باشیمه لطف و کرمیندن
قاخموردی ولی بیر الی ثانی ستمیندن
آلدوقجا خبر عترتینون درد و غمیندن
کیپریکلری هی اشک عزایه بلشردی
آهولر اونون اوخشاماسیندان ملشردی
حاصل منی مشغول ایلدی ویردی تسلی
نه خاطریمه دوشدی سکینه نه ده لیلا
بختیم منه یار اولدی فلک قویمادی اما
بیر بیکس آنام گلدی منیم دادیمه یئتدی
زجرون سسین آلدی اودا بولمم هارا گئتدی
دنیاده قوی پنجه اولانلار باش اوجاتدی
زجرونده گوجی من کیمی بیچاریه چاتدی
من زجره سلام ائتدیم او ال قمچیه آتدی
ال باشه قویوب یاندیروب عالملری یاخدیم
او ووردوقوجا حسرتیلن من گویه باخدیم
عرض ایلدیم آواره اولان بنده ام آلله
افسرده و پژمرده و شرمنده ام آلله
آخر سنه بو چولده پناهنده ام آلله
قویما منی زجر ئولدوره هنگام خطرده
عمم یولومی گوزلیه نعشیم قالا یرده
زجرون ستمی من که بو چوللرده وارام وار
چارم ندی بو چولده کیمیم واردی هارام وار
یول سخت ئوزوم خسته ایاقیمده یارام وار
زجرون سسی گلدوقجا رکابینه سیخیللام
قمچی گویه قالخاندا یوزی اوسته یخیللام
❖ ❖ ❖ ❖ ❖
شعر از : رحیم منزوی اردبیلی
مطالب مرتبط
