فقر ایمیش فقر، فضولی شرف اهل وجود - فضولی

فقر ایمیش فقر، فضولی شرف اهل وجود - فضولی

نه گؤرر اهل جفا منده وفادن غیری،
نه بولور شمع یاقان کیمسه ضیادن غیری.

ای اولان ساکن مسجد، نه بولوبسان بیلمن،
بو ریاسنده اونون بوی ریادن غیری.

گل خرابته، نظر ساقیه قیل کیم، یوخدور
رخ صاف و مئی صافینده صفادن غیری.

سربسر وادی محنت دیر و غم ملک وجود،
بیر فراغت یئری یوخ شهر فنادن غیری.

جملۀ خلق منه یار ایچون اغیار اولدی،
قالمادی کیمسه منه یار خدادن غیری.

عزم کویینده کؤنول یارلیق ایستر بیزدن،
الیمیزدن نه گلیر خیر دعادن غیری.

فقر ایمیش فقر، فضولی شرف اهل وجود،
اؤزونه ائیله‌مه همدم فقرادن غیری