پنبۀ داغیم نهان ائتمیش سراسر جسمیمی - فضولی

پنبۀ داغیم نهان ائتمیش سراسر جسمیمی - فضولی

غرق خوناب دل ائتدی دیدۀ گریان منی،
اونجا قان تؤکدوم کی، بو رنگ ایله توتدی قان منی.

هر طرف یوز غم هلاکیم قصدین ائتمیش، تانریچون
بیر دم ای گؤزدن آخان خونابه، قیل پنهان منی.

یوخ مجالیم اؤزگه گلرخساره سنسیز باخماغا،
ایله کیم قیلمیش غمین اؤز حالیما حیران منی.

روز هجران، گون، چکیب بیر تیغ، منت قوی منه،
یوخسا منت سیز هلاک ائیلر شب هجران منی.

غرق خوناب اولدی جسم خاکساریم، آه، کیم،
درد وش سالدی آیاقلاره غم دوران منی.

پنبۀ داغیم نهان ائتمیش سراسر جسمیمی
کیم، ملامت قیلمایا هر کیم گؤروب عریان منی.

بیر مه بد مهره ام مایل، فضولی، یوخ عجب،
قیلسا هر یان، ذره نسبت، چرخ سرگردان منی