یارب، نه سببدن دیر کیم، هیچ اثر قیلماز - فضولی

یارب، نه سببدن دیر کیم، هیچ اثر قیلماز - فضولی

آینه سئور جاندان رخسارۀ جانانی،
بیر غایته یئتمیش کیم، آیریلسا چیخار جانی.

فریاد کی، عکس اولدی اول کیم گؤره یم دردیم،
آینۀ رخسارین لوح دل حیرانی.

اول چاه زنخداندا وئردیم کی وئرم کؤنلوم،
کؤنلومده گؤر اولدیم اول چاه زنخدانی.

آزاده‌لرین کؤنلون جمع ائتمیش ایکن غفلت،
تپرتمه صبا، بالله، اول زلف پریشانی.

یاره غم پنهانیم اظهار ائده بیلمزدیم،
شادم کی، روان اولدی گؤزدن جگریم قانی.

درد و غم پنهانیم فهم ائتدی ائل آهیمدن،
یوز آه کی، فاش اولدی درد و غم پنهانی.

هجران گئجه سی گؤرجک دوزخ المین، بیلدیم
کیم، روز قیامت دیر یارین شب هجرانی.

جاندان کئچه لی بولدوم راحت غم عالمدن،
خوش حکمت ایله بولدوم اول درده بو درمانی.

یاره غم پنهانیم اظهار ائده بیلمزدیم،
شادم کی روان اولدی گؤزدن چکرم قانی.

یارب، نه سببدن دیر کیم، هیچ اثر قیلماز
دیلداره فضولی نین فریاد ایله افغانی.