رفتن به محتوای اصلی

ایاقلی تجنیس - عاشیق علی عسگر

تاریخ انتشار:

ایاقلی تجنیس - عاشیق علی عسگر

گوتوروب سازیمی مرد و مردانه،
گیریرم میدانه، گل ائيله‌يك بحث؛
سن توخوندون، من‌ ده سنه توخوننام،
شریعتده حلال قصاصا قصاص،
قوی اوجالسین سس.
بیر خوش گونو عوض مین آیه، بیللم.
چکیلیب قامتین مینایه، بیللم.
پیریمدن درس آلدیم، مین آیه بیللم،
بیر سوزونه مین سوز دییم دسبه‌دس،
دور یئرینده پس.
اوسوونچويام، اووسون ساللام هی مارا،
بنا ایسن، ترکین آختار، هیم آرا،
سمین دراز، لهجن بنزر حمارا،
عالمه بللیدیر بو نطق و نفس.
مثال حدث.
من دردلیم. من آغلارام. بودا آغلار
عشق اوجوندان سینمده‌دی بو داغلار؛
بیر ترلانام اوولاغیمدی بو داغلار،
سنسن سگ لاغر، شکارین مگس،
حکموم کساکس!..
عاشق گرك بو میداندا بیر قالا،
عشق اودونو بیر اتکله، بیر قالا!
علی‌عسگردی خیبر کیمی بیر قالا،
باجارا بیلمرسن، دور یئرینده پس،
دانیشما عبث!

موضوع انجمن

افزودن دیدگاه جدید

متن ساده

  • تگ‌های HTML مجاز نیستند.
  • خطوط و پاراگراف‌ها بطور خودکار اعمال می‌شوند.
  • نشانی‌های وب و پست الکتونیکی به صورت خودکار به پیوند‌ها تبدیل می‌شوند.
بازگشت بالا