| دانلود فایل | اندازه |
|---|---|
 مداحی یا حسین سن بیر یانا کل شهیدان بیر یانا از سیدصادق موسوی ترکمانی | 134.29 مگابایت |
مداحی یا حسین سن بیر یانا کل شهیدان بیر یانا از سیدصادق موسوی ترکمانی 1442(کلیپ، صوت، متن)
مداحی جدید سید صادق موسوی ترکمانی با عنوان "یا حسین سن بیر یانا کل شهیدان بیر یانا" با شعری از استاد ولی اله کلامی زنجانی، اجرا شده در ماه محرم 1442 قــ - 1399 شـــ - از کرکوک عراق - حسینیه اصحاب کساء/ داقوق
مداحی یا حسین سن بیر یانا کل شهیدان بیر یانا از سیدصادق موسوی ترکمانی
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
قانلی تربت یا حسین هر درده والله چاره دی
تیر عشقوندن اورکلر یاره دی صد پاره دی
کربلانی گورمه سه گویده ملک آواره دی
آللها زائردی هر کس زائر اول درباره دی
کون و امکان بیر یانا اول قانلی میدان بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
کربلا یتمیش ایکی قربانه قربانگاه اولوب
کیم ایتیرسه بو یولی دیندن چخوب گمراه اولوب
اوردا عاشقلر امام عشقه خاطر خواه اولوب
قانلی حنجردن اؤپوب زینب فنا فی الله اولوب
مین یانان جان بیر یانا بیر شمع جانان بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
قهرمان زینب او چؤلده آه و وادن دویمادی
آختاروب عریان بدن تاپدی نوادن دویمادی
آیریلوب گئتدی او کانون صفادن دویمادی
اؤز جانندا دویدی امّا کربلادن دویمادی
گؤردی چوللرده آخور سو بیر یانا قان بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
حیف اولا دوشدی ایاقدان کربلا دلخسته سی
اللی دورد ایل عمرائدوب پروانه لر سر دسته سی
خدمتین ویردی باشا زنجیر عشقین بسته سی
شامیده الآندا واردی گنبدی گُل دسته سی
گئتدی ائللر بیر یانا زینب پریشان بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
زینبین جان وئرماقی هئچ باغریقانه بنزمز
بو چخان جاندا شرر وار آیری جانه بنزمز
گل دئدی قارداش منه هئچ نازدانه بنزمز
هئچ آدامسیز جان وئرن من ناتوانه بنزمز
اللی دورد ایل بیر یانا بو حال هجران بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
زینبم من درد و آلام مفصّل گؤرموشم
شاهد عشقیم حسین اوضاع مقتل گؤرموشم
قانلی بارماق یاره لی باش یاره لی ال گؤرموشم
جسمیوی شیرازه سیز قرآن منزل گؤرموشم
واحسین چکدی ملک لر، دوشدی قرآن بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
جان حسین باشسیز حسین ای یار و یولداشسیز حسین
ایندی قارداشسیزدی زینب سنده قارداشیسز حسین
گل منی دفن ایله ای قبره گئدن باشسیز حسین
قبر زینب قالماسین زهرا کیمی داشسیز حسین
بیر مدینه بیر یانا اول قبر پنهان بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
گر جوان ئولدی آنام مقتل بلاسین گؤرمدی
بیز باجی قارداشین هجران ماجراسین گؤرمدی
زینبین شامین حسینون کربلاسین گؤرمدی
یاخشی کی زهرا سینونده اوخ یاراسین گؤرمدی
آلتی مین اوخ بیر یانا اوچ شعبه پیکان بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
اوندا من ئولدوم کی گؤردوم قتلگه هنگامه سین
گؤز یاشیم یازدی یوزومده آیریلیق برنامه سین
هانسی شاهین ائیلیوب غارت رعیّت جامه سین
الده گزدیردی بیری باشین بیری عمّامه سین
قاچدی خولی بیر یانا بجدل هراسان بیر یانا
یا حسین سن بیر یانا کُلّ شهیدان بیر یانا
سن یاتان یئر بیر یانا بو کون و امکان بیر یانا
مطالب مرتبط
