بارالها قلبی زار ائیلر حرم سیز قبرلر با صدای مهدی رسولی

بارالها قلبی زار ائیلر حرم سیز قبرلر با صدای مهدی رسولی

مداحی سینه زنی "بارالها قلبی زار ائیلر حرم سیز قبرلر با صدای مهدی رسولی" و شعر استاد کلامی زنجانی به مناسبت سالروز تخریب قبور ائمه بقیع علیهم السلام

بارالها قلبی زار ائیلر حرم سیز قبرلر
شیعه نی چوخ دلفکار ائیلر حرم سیز قبرلر

ای مدینه شهرینه مهمان اولان دردانه لر
دورت امامه شمع ماتم یاندیران پروانه لر
سیزگوروبسوزآشنایه نئیلیوب بیگانه لر
عاشقی دیوانه وارائیلرحرم سیز قبرلر

مرحبا ای شیعیان مخلص مشرق زمین
عترت آثاری امانتدور دوز عاشقلر امین
گرچه تخریب بقیعدن عالم اولدی دلغمین
لیک اهل کفری خوار ائیلر حرم سیز قبرلر

ای بقیع فریاد ائله بیلسین هامی دلخسته لر
دئ نئج اولدی بارگاه و گنبد و گلدسته لر
عهدینی پوزماز ئولونجه مهدیه دلبسته لر
عشقی ثبت روزگار ائیلر حرم سیز قبرلر

بو حرم سیز قبرلرده دورت بحق ناطق یاتیب
مجتبی ، سجاد ، باقر، حضرت صادق یاتیب
ئولمز آل الله، مگر چشم دل عاشق یاتیب؟
منکری بی اعتبار ائیلر حرم سیز قبرلر

زنده باد ایران که واردی مشهدینده انجلا
گونده بش وقته اذاندا سسلنر اهل ولا
اشهد انّ ولی الله، علیّ المرتضی
بو آدی دلده شعار ائیلر حرم سیز قبرلر

بارها تخریب اولوب گر چه قبور اولیا
لیک یاددان چیخمیوبدی نه بقیع نه کربلا
شیعه نین قلبین اگر وهابی خنجرلن یارا
نورین اوردان آشکار ائیلر حرم سیز قبرلر

گون دولانسا گر بقیعده بارگاه اولسا بپا
ئولمیوب ایرانلی لار شاهددی شاه کربلا
دورت امامه یولّاریق بیز دورت ضریح باصفا
اوندا بو عشقی عیار ائیلر حرم سیز قبرلر

بیر دئین یوخ دشمن مزدوره ای شیطان پرست
یوخدی سودون، بوتجارتده اولارسان ورشکست
گون تجلاسین گورنده، کور اولار خفاّش پست
آفتابی شرمسار ائیلر حرم سیز قبرلر

بیلسین اهریمن که نسل اسعدی لرزنده دی
حیدری لر هاشمی لر احمدی لر زنده دی
قبریده نبش اولسا حجربن عدی لر زنده دی
فتنه ی کفری مهار ائیلر حرم سیز قبرلر

ضالّه بیر فرقه که وهابی قویوبلار آدلارین
کسسین آلله نسلینی بو خانه سی بربادلارین
اهلبیتین یاندیریرلار خیمه و بنیادلارین
گوزلری هی اشکبار ائیلر حرم سیز قبرلر

لعن اولا هند جگر خوارین بو پست اعوانینه
لعن اولا آل سعودین فتنه و طغیانینه
تشنه دی گویا بولار یاران حیدر قانینه
بو پیامی انتشار ائیلر حرم سیز قبرلر

دین آدیلان اهل کفراسلامی درده توش ائدیر
هارداشیعه شمع یاندیرسابولارخاموش ائدیر
زینبین قبری دوشنده یاده قانلارجوش ائدیر
گوهر اول قبره نثار ائیلر حرم سیز قبرلر

وئرسه کیم حکم خلافی باعثی وهابیدی
هر قبیله اختلافی باعثی وهابیدی
هاردا گورسز انحرافی باعثی وهابیدی
لعن اونا لیل ونهار ائیلرحرم سیز قبرلر

تک بقیعی پوزمیوب بوفرقه نین طغیانلاری
سامرا سوریّه ده وار ظلم بی پایانلاری
آخ گوروم دوتسون رقیه آهی بو نادانلاری
شامه قاصد رهسپار ائیلرحرم سیز قبرلر

ای ابوالفضل ، اوخشیان ای شاه مردانه سسی
دولدوروبدی گور نئجه دنیانی بیگانه سسی
بیر صول اللی سیلی وور گلسین خراسانه سسی
سنله الفت برقرار ائیلر حرم سیز قبرلر

آری آری شیعه لرده معرفت احساسی وار
سن دئسن هانسی گروهین بیربئله مولاسی وار
سس گلر بو شیعیانین حضرت عباسی وار
گل نثارِ بیله یار ائیلر حرم سیز قبرلر

سروریم عباس آقا تاج سریم عباس آقا
شیعه سسلرالدخیل ای دلبریم عباس آقا
آدیوه قربان پدر هم مادریم عباس آقا
گورنه سرّی استتار ائیلر حرم سیز قبرلر

پاک آدین درده دوادور یا ابوالفضل الدخیل
اللرون مشکل گشادور یا ابوالفضل الدخیل
گوربقیع نه غم فزادور یا ابوالفضل الدخیل
شیعه نی درده دچار ائیلر حرم سیز قبرلر

آسمان آلتیندا که زهرایه،یوخ سنگ مزار
قلبلرده دفن اولوب اول بانوی والا تبار
لااقل ام البنین قبرین بو غربتدن قوتار
گوز یاشین ابر بهار ائیلر حرم سیزقبرلر

بیزده پیمان باغلیریق ای عهدی اوسته جان بکف
سن بیزه ائیله مدد بیزده وئراق قول شرف
ائیلیاق صحن بقیعی مثل ایوان نجف
اوندا کؤنه افتخار ائیلر حرم سیز قبرلر

دورت امامه دورت حرم قورّوق قوی اولسون حاسیدی
هم خانم ام البنینه که ادب دریاسیدی
احترام اولسون گرک، چون مادر عباسیدی
اونلا قامت استوار ائیلر حرم سیز قبرلر

محترمدی آری بانوی حجیز ام البنین
چون اؤزون زهرایه بیلمیشدی کنیز ام البنین
دورت بالا قربان وئریب اولدی عزیز ام البنین
آهینی شمع مزار ائیلر حرم سیز قبرلر