مداحی کربلا قبله عشقیمدی منیم/ عشق حسین - محمدباقر منصوری (ره) + متن
مداحی کربلا قبله عشقیمدی منیم یا عشق حسین با نوای گرم و دلنشین حاج محمدباقر منصوری (رحمه الله) با شعری از استاد کلامی زنجانی، اجرا شده در ماه محرم سال 1391
متن مداحی کربلا قبله عشقیمدی منیم/ عشق حسین - استاد کلامی زنجانی
کربلا قبلۀ عشقیمدی منیم
اؤرگیم دفتر مشقیمدی منیم
یازارام روحیمه ریحاندی آقام
عالمین دردینه درماندی آقام
.
بو حسین ذکری شرافتدی منه
صود وئرنده آنام ئورگتدی منه
قره پیراهنیم عزتدی منه
من گدایم منه سلطاندی آقام
عالمین دردینه درماندی آقام
.
دئمرم مقصدیمه یتمه میشم
واجبات امرینی ترک ائتمه میشم
من که آیری قاپیا گئتمه میشم
جان فدا عشقینه جاناندی آقام
عالمین دردینه درماندی آقام
.
گؤزومه چکمه بهشتین باغینی
مین باغا وئرمم اونون دیرناغینی
ئوپرم کرب و بلا تپراغینی
دییرم شاه شهیداندی آقام
عالمین دردینه درماندی آقام
.
قوی عزاداره گوله آل یزید
کمریندن ورار عبّاس رشید
آقامون کسدی باشین شمر پلید
دئمه دی حجّت رحماندی آقام
عالمین دردینه درماندی آقام
.
آقامون باشی چیخوب نیزه لره
ارمغان گئتدی حرام زاده لره
باش کسنلر توکولوب خیمه لره
زینبین خیمه سی تک یاندی آقام
عالمین دردینه درماندی آقام
.
شعر: استاد کلامی زنجانی
مداح: حاج محمد باقر منصوری رحمه الله
ـــــــــــــــــــــــــــــــــــــــــــــــــــــــــــ
مأخذ: میثاق کلامی
تاریخ انتشار: ۱۳۸۵
مطالب مرتبط
