متن روضه ترکی وفات حضرت زینب علیهاالسلام - بخش اول
متن روضه ترکی وفات حضرت زینب علیهاالسلام - بخش اول
در این بخش، به مناسبت وفات ام المصائب و عقیله ی بنی هاشم حضرت زینب کبری، متن روضه ترکی وفات حضرت زینب علیهاالسلام را تقدیم سوگواران آن بانوی بزرگوار اسلام می نماییم. با ما همراه باشید.
« متن روضه ترکی وفات حضرت زینب علیهاالسلام »
سنی آنام جانی تز گل یامان گونومدی حسین
صولوبدی عمر بهاری خزان گونومدی حسین
گون ایستیسینده سنی کولگیه چکن باجوام
منیمده گون قاباقندا قالان گونومدی حسین
دیردیم اولمیا سندن اوزاق مکاندا ئولم
ئورکده قالدی بو حسرت همان گونومدی حسین
الیمی هئچ کسه من احتیاجه آچمامیشام
گوزوم یولوندا سنه یالواران گونومدی حسین
قویاندا من الیمی قوینوما سن آغلاردون
او نازلی گوزلریوی آغلادان گونومدی حسین
باخان دیور بونون حتما اورکده یاره سی وار
بو منظره هامینی یاندیران گونومدی حسین
یُواندا کاش منی قورخمییدی غساله
بو نیلگون بدنه غسل اولان گونومدی حسین
سنه که چاتمور الیم کوینگون قوجاخلامیشام
بونی آنام توخیوبدی فغان گونومدی حسین
یتور بو حالی بنی هاشمون جوانلارینا
گلون گلون باشیمون اوسته سان گونومدی حسین
اراده قالسا جنازم بو شامین اهلی گولر
وفالی ائللریمی آختاران گونومدی حسین
الیوی سینمه قویسان یوز ایلده من یاشارام
کسیلمیش اللری یاده سالان گونومدی حسین
سلام اولا او ابوالفضلیمون دوشن قولونا
کنار علقمه حسرت باخان گونومدی حسین
دئدیم وداعیده گئتمه گل ایندی من گئدورم
وداع گونی اتگوندن دوتان گونومدی حسین
استاد کلامی زنجانی
زینبین آیریلیق صبرین آلدی
قهرمانین یولون شامه سالدی
جان ویرنده دیوردی الهی
بس منیم ائلریم هاردا قالدی
ای منیم پاسبانیم ابوالفضل
لنگ اولوب کاروانیم ابوالفضل
زینبی قبلیه دوندرن یوخ
باشیوه گل دولانیم ابوالفضل
ای دوشن نهرین اوسته وجودی
قانلی بازوسی دینین عمودی
گل ایاقدان دوشوب غملی زینب
جان ویرور دلده هجران سرودی
چوخدی سن تک حسینه علاقم
نیلوم کربلادن اوزاقم
آند اولا دلده که خاطراته
بو گیجه من حسینه قوناقم
گوگلوم ایستور گله باشیم اوسته
دینجله بلکه بو دلشکسته
پیشوازه دورام خسته خسته
یولّلارا گل سپیم دسته دسته
ای آدامسیزلارین آشناسی
غملی امّ البنینین بالاسی
ای گوزل آدی باب الحوائج
زینبون دردینون یوخ دواسی
خواهشیم بیر بودور نه گلایه
ایله درمان من مبتلایه
یا حسینی گتور شامه قارداش
یا آپار زینبی کربلایه
زینبین حالینه داغلار آغلار
چولده ویران قالان باغلار آغلار
رسمیدور باجیلار جان ویرنده
گوزلرین قارداش باغلار آغلار
گل یورولدو گوزوم آغلاماقدان
تنگه گلدیم اورک داغلاماقدان
بو گوزی باغلاماق آی ابوالفضل
چوخ چتیندی یارا باغلاماقدان
من همان زینب قهرمانم
عمه پیر صاحب زمانم
هر قناد سیز قوشا لانه ویردیم
من اوزوم ایندی بی آشیانم
قلبیده نسگلیم چوخدی قارداش
جانه هجران غمی اوخدی قارداش
یدی قارداشه باجیدیم امّا
هیچ بیریندن خبر یوخدی قارداش
مایه یوخ عشقیمون مایه سینده
پایه یوخ صبریمون پایه سینده
من حسینه دعا گویم اما
قانلی بیر کوینگون سایه سینده
ای فرات اوسته پرچم وران گل
زینبین قلبینی یاندیران گل
سیندی قارداش بئلیم آیرلیقدان
ای حسینون بئلین سیندیران گل
گوگلومی گل ابوالفضلیم آل گیت
جان چیخاندا باشیم اوسته قال گیت
گون ایونده قالان نعشه خاطر
شامیده باشیمه سایه سال گیت
هیچ ایو عالمده مشعلسیز اولماز
هیچ عزا خانه گیت گلسیز اولماز
گل گوزیمی دیدوم باغلا اما
هیچ گوزی باغلاماق السیز اولماز
گل حسین دمشقده جان وئرور
غمیله رفاقت ائدن باجون
دوشوب استقامت جسمدن
غمه استقامت ائدن باجون
سنون عشقویله قدم وروب
ره ابتلاده یورولمشام
یتوروب مراموی عالمه
یتیشوب مراده یورولمشام
دورا بیلمورم ایاق اوستنه
ائله فوق العاده یورولمشام
یوزی قبله ده کمک آختارور
زحماته طاقت ائدن باجون
نه خانم ربابه یتور الیم
منه باری بیر مدد ایلیه
نه واریمدی دسترسیم حسین
حرمون ستم زده لیلیه
دیلی خوش رقیه ده قالمادی
آچا باشینی بی بی وای دیه
عجب حسرتیله گوزون یومور
هاموزا محبت ائدن باجون
من او زینبم که وصالوی
ائدرم گیجه گونوز آرزو
ولی دامنون اله دوشمیور
گزورم جهانیده کو به کو
خم اولوب قدیم باشمون توکی
آغاروبدی هجریده مو به مو
یخلوبدی بستر مرگینه
سوزه اطاعت ائدن باجون
من او زینبم که فلک منی
ایلینده شمریله روبرو
سنی قان ایچینده گورن زمان
ائلدوم حسین ئولوم آرزو
منی تازیانه یخوب یره
سنی خنجر ایلدی سرخ مو
ئولور ایندی شمریله روبرو
دایانوب سماجت ائدن باجون
من او زینبم کی جنازوی
او چوخور مکاندا قوجاقلادیم
سنی آرخون اوستنه دوندروب
یوزه سیل اشکیمی باغلادیم
الیمه آلوب کسوک اللرون
ادبیله هی اوپوب آغلادیم
ال اوزور بو غصلی عمریدن
الوی زیارت ائدن باجون
من او زینبم یاریسی یانان
خیمونده اگلشوب ای حبیب
قفس عزایه جمع ایلدیم
نجه خوش ترانه لی عندلیب
قولاقی یارالی گلین قزا
ئوزومی حسین ائلدیم طبیب
ئوزی بی طبیبدی نیلسون
قزوا طبابت ائدن باجون
من او زینبم سر نیزه ده
باشوا دگنده جفا داشی
قان آخاندا قانلی محاسنه
یوزومه آخوردی گوزوم یاشی
باشیمی وروب دم محمله
یارالاندی زینبوون باشی
بویادی حناسیز هورکلرین
ادبی رعایت ائدن باجون
من او زینبم که دوروب حسین
دانشاندا ابن زیادیله
علنی مبارزه ایلدوم
بیلوسن او کان فسادیله
اگر اولماسیدی یتیمه لر
دیلیمی کسوردی عنادیله
دوشه دیلدن ای عجب آز قالور
دانشوب قیامت ائدن باجون
من او زینبم که زمانه نون
غم بی شمارینه دوزمیشم
نفس آلمشام اورگیم یانوب
ستمون شرارینه دوزمیشم
اوتوروب خرابه ده قزلارون
گیجه آه و زارینه دوزمیشم
قوتارور یتیمه اوشاقلارا
چالشوب حمایت ائدن باجون
حسین غریب باجیوام اقربا دوشوب یادیما
سارالمیشام چمن با صفا دوشوب یادیم
گوزل گولوم باجی قربان آچوب سولان یریوه
نولیدی غم گونی زینب ویریدی جان یریوه
سلام اولا او گوزل تُربته،یاتان یریوه
هایانداسان ئولورم کربلا دوشوب یادیما
من آشنای غم و یار عشقیوم قارداش
باشمدا قاره علمدار عشقیوم قارداش
یتش هرایمه بیمار عشقیوم قارداش
شمیم تربت دارالشفا دوشوب یادیما
یادوندا وار گوزلیم سن گیدنده میدانه؟
گلوب باشیوا دولاندوم مثال پروانه
لیوی سینمه قویدون ئوزون غریبانه
غریبم ایندی همان ماجرا دوشوب یادیما
شهادتونده که اورنگ نازه چخدی باشون
بدن نشیبده قالدی فرازه چخدی باشون
گلنده کوفیه من،پیشوازه چخدی باشون
جدا باشندا کی بدرالدّجا دوشوب یادیما
گرک اورکده باجون آرزوسی دوفن اولونا
گوزوم یورولدی زبس باخدی کربلا یولونا
الیم یتشمدب عباسیمین اوزون قولونا
علینون اوغلی او مشکل گشا دوشوب یادیما
او زینبی که سو وَردون همیشه خاطرینی
مقایسه ایله بیر اولّیله آخرینی
یتور الهب منه یدّی قارداشین بیرینی
دلاوران دیار بلا دوشوب یادیما
انیس اولوب سنه خاطر غم زمانه منه
نه خانه قالدی غمونده نه آشیانه منه
غریب آنام کیمی چوخ دگدی تازیانه منه
بو حالدا حضرت خیر النّسا دوشوب یادیما
کلامی زنجانی
کنج غربتده وئرور جان
زینب نالان حسینیم
هارداسان گل باشیم اوسته
بیر اوخی قرآن حسینیم
هارداسان زینب وئرور جان
گَل گَلَن یوللاره قربان
من سنون هر بیر غمونده
نی کیمی فریاده گلدیم
قاتل بیرحم الینده
من سنه امداده گلدیم
سینَن اوسته شمری گوردوم
داده اول اثناده گلدیم
ایلیم سندن حمایت
اولمادی امکان حسینیم
قان توکن جلّاده نیلر
بیر نفر مظلومه عورت
من یاپوشدوم خنجریندن
قویمیام ائتسون جسارت
اللریم دوغراندی آخر
ایلدیم خرگاهه رجعت
اهل بیتون باشه یغدیم
ایلدیم افغان حسینیم
باتدی خورشید هدایت
اولدی تیره کون و امکان
ویردی باش چرخ فلک دن
حسرتیله ماه تابان
بیر یاری یانموش چادردا
ساخلادوق شام غریبان
روضه خوانی زینب اولدی
روضه سی عطشان حسینیم
صبح آچیلدی امر اولوندی
کوچ ائداخ بیز غم دیارین
قتلگاهوندن سالوبلار
جبریلن زینب گذارین
اهل بیتون ناقه اوسته
جسمیوه سالدی نظارین
گوردولر باشسیز کفن سیز
قالموسان عریان حسینیم
ناقه اوستوندن توکولدی
اهل بیت دل شکسته
هر قانادی باغلی بلبل
دوشدی بیر خندان گُل اوسته
اهل بیت بی پناهون
آغلاماقدان اولدی خسته
کام دل آلدی ولیکن
آل بوسفیان حسینیم
سن کیمی غربتده قارداش
زینبون یالقوز وئرور جان
گوزلریم قالموش یولوندا
گَل گَلَن یوللاره قربان
بیرده گورسم گُل جمالون
ایلرم من درک جانان
گَل یوزون بیرده گوروم من
جان وئروم آسان حسینیم
مسکنیم بو کُنج غربت
دوشموشم ائلدن اوزاقه
ایل قبیله یوخ بو یرده
دوشدوم حالِ احتضاره
گل آنام اوغلی قبولِ
زحمت ائت گل بو دیاره
آل دیز اوسته باشیمی ای
خسرو خوبان حسینیم
سرسرِ ظلمیله عمروم
گلشنی سولدی سارالدی
صبریمون آئینه سینی
چرخ گردون داشه چالدی
احتضار حالین دییَم گل
گوزلریم یوللاردا قالدی
مقدمونده گل ائدوم من
جانیمی قربان حسینیم
ای وجود اقدسیندن
فیض آلان بو چرخ خضرا
«تابع دینه» نظر قیل
روح حیدر جان زهرا
گوشۀ چشمیله باخسان
افتخار ایلر جهاندا
دفتره ثبت ایله آدین
بیر سگِ دربان حسینیم
مرحوم تابع دین
باجوی آیری سالوبلار وطندن آی قارداش
وار انتظاری بو غربتده سندن آی قارداش
یوبانما زینب مظلومه نین یامان گونیدی
اورگیمون باشینون داغ کیمی یانان گونیدی
فدا اولوم سنه جان اوستیم امان گونیدی
صله رحم ائله جان اوسته مندن آی قارداش
خوشام دانیشدیراسان جان خطاب ائدم سوزیوه
دئمه لی دردیمی بیر بیر بیان ائدم اوزیوه
آنا گوزینده گوروردون منی فدا گوزیوه
عیادت ایله اقلا نه نندن آی قارداش
منی حضوریوه ممکن دگول گلن گتورن
دیزیمه قدرت و قوت دوباره دن گتورن
بو فکرده دگولم یوخ منه کفن گتورن
محالدور که سالام سوز کفندن آی قارداش
او بلبلم که سالوب چرخ بیر اوزاق چمنه
ائدوبدی حسرت دیدار سرو و یاسمنه
کفنسیز ئولماقوین دردی درد اولوبدی منه
کفن سوزی داخی چیخماز دهندن آی قارداش
بی بی سی زینب مظلومه تک غمین اوغلون
اسیر دشمن اولوب چوخ ائدن انین اوغلون
گوزوم یاشی قورومور زین العابدین اوغلون
سنی او کهنه حصیره بوکندن آی قارداش
نجه اولا بلی خوشحال اولوم دوباره گولوم
محال اولوبدی اچیلسون غمام وش گویلوم
بو قانلی کوینگون اولموش الیمده دسته گولوم
آلورام عطریوی بو پیرهندن آی قارداش
یالان خلافدی شرعا گرک دئماق سوزی دوز
ولو ادا ائلماخدا یوزیمه باغلورام ئوز
اورک دوگونمه سی منلندی هر گئجه گوندوز
آلوب بو کوینگی مندن گییندن آی قارداش
جهان طبیب اولا حاشا اولا بو درده دوا
ئولومدن اوزگه سی بو حقی ایلینمز ادا
گوزیمده جلوه نور ماجرای دشت بلا
گوزوم دولور غم و درد و محندن آی قارداش
اولور گوزیمده گئچن گونلر آینه گورورم
نجه که گورموشدوم تازه دن گینه گورورم
دونوب شقایقه اکبر معاینه گورورم
گلوبدی دامن دشت و دمندن آی قارداش
بیوک گلوب هامی غمدن بو بیر غمون منه چوخ
بو محنت اوستونه دنیاده اوزگه محنت یوخ
اورک باشین دلور اصغر بوغازینا دگن اوخ
آچوب او غنچه دوداقی لبندن آی قارداش
چتین اولا بولر عالمده ایله رنج و تعب
محققا بلدی یوخدی ذره جای عجب
ربابین ئولماقینا سنلن اصغر اولدی سبب
آلوب ربابده مشقین گورندن آی قارداش
رباب گونلر ائوینده یانوب کباب اولدی
مسبّب اولدی که مندنده سلب تاب اولدی
منیمده ئولماقیمون باعثی رباب اولدی
آیردی ایریلیقی تابی مندن آی قارداش
گل ای باشمدا اولان عزت و شرف تاجی
آنام باجیم که دیردون ئولور همان باجی
بوصون نفسده اولوب بیر نگاه محتاجی
فراق شربتوی نوش ائدندن آی قارداش
دیوبدی (حافظی) و (هاشمی) بو گفتاری
که رمز ابجد زینبدی بیت اشعاری
مرید و مرشده احسان ایلیوب تاری
که سوز سچلموری دُر عدندن آی قارداش
مرحوم حافظی تبریزی و هاشمی
یورقونام کنار دمشقده
دوشموشم توانادن آی ننه
غصّه لر گرفتاری زینبون
آیریلور بو دنیادن آی ننه
سن گزن مصیبت آغاجلارین
شاخه شاخه گزدیم زمانه ده
یاندی درگهون ئولدی محسنون
وردیلار سنی صحن خانه ده
چکدیلرمنیم خیمه می اودا
بال و پر وروب آشیانه ده
بیر عقاب تک ایلدیم رها
ناخوشی او بلوادن آی ننه
کیم منیم کیمی غملی عمریده
روزگاریله پنجه نرم ایدوب
نامزد قیزی کاروانده باش
آچیق گورن وقته شرم ایدوب
قلبمون اودی اشک چشممی
چشمه مثلی چشممده گرم ایدوب
بیر کسیم حرارتلی اشکمی
سیلمیوبدی سیمادن آی ننه
بحردور مصیبتلریم منیم
منده غوطه ور بحره فی المثل
دست و پا وروردوم کرانیه
یتمیوردی نیلوم ئولونجه ال
آند اولا کفنسیز حسینمه
یاخشی وقت الیمدن دوتوب اجل
ساحل نجاته چخور قزون
موج خیز دریادن آی ننه
زهر غم اوشاقلیق زماندن
شیرین عمریمی ایلدی آجی
چون فلک سویوق باخدی زینبه
بختمون اودور قزمادی ساجی
یدّی قارداشیمدان بیری هانی
سسلنه باشیم اوسته آی باجی
بَهرَم اولمادی غصّه دن سوا
اسم با مسمّادن ای ننه
نقطه فرض قیلسون وجودیمی
دورمه وروب غصه دایره
شمع لر باشندان یانار منی
سر بپا دوتوب سوز نایره
سوزناکتر نسگلیم بودور
گلمشم خوشوم گلمین یره
اینجیوبدی روحیم ننم جانی
شام فتنه بر پادن آی ننه
گوگلوم ایستیور شامده سنی
گل اجل گلن بسر اوستونه
آخرین نفس لطف سایه سین
سال بو جسم نیلوفر اوستونه
غصه لر سارالدان یوزی قویوم
محسن اممین دوشلر اوستونه
من اوخای دیوم سنده آخ دی
جان دوشنده یارادن آی ننه
مُهر مِهر عشق حسینیله
باغلورام بوگون عشق دفترین
من آچانمدیم غسل ایدن گلر
باشمون آچار قاره معجرین
شمر خنجریندن دوتان الیم
قوّه یوخ سیله آلنومون ترین
پر توان مصیبت توانمی
سلب ایدوبدی اعضادن آی ننه
غسل ایدنده یثربده نصف شب
مغسل اوسته شیر خدا سنی
اوخشاما دیوردوم حزین حزین
اوخشیوردوم ای بینوا سنی
اوخشاما دیین یوخدی زینبه
ایستیور بو بی اقرباسنی
منتظر قالوب آغلیان گوزوم
کچمه بو تمنّادن آی ننه
دستگیر اولوب شامه گلموسن
جور و ظلم اعدادن آی بالا
دلشکسته ایتدی فلک سنی
دلشکسته زهرادن آی بالا
منشی ازل شام تپراقین
خسته جسموه ثبت ایدوب مزار
کربلا کتابنده آدوی
سردبیرلر قهرمان یازار
سوزلرون سنون تیز تیشه تک
ظلم نخلنون ریشه سین قازار
قان توکن قلنج باج آلانمیوب
نطق تیز و برّادن آی بالا
حق دانشماقیلا حقیقتی
پشت پرده دن چکموسن اوزه
نیش خار تک باتدی هر سوزون
آل هاشمه کج باخان گوزه
سن دوزن مصیبتلره چتین
روزگارده بیر نفر دوزه
گورمدون صفا اولدی هر گونون
قاره لیل یلدادن آی بالا
فاطمه بُلوردی لیاقتون
وار سنی اودور ایتدی جانشین
ایلدون عمل من دیین سوزه
هر وصیّتیم آلدی اوز یرین
آخرین زماندا نیابتاً
ئوپدون اوغلومون تشنه حنجرین
شاد قیلدون افسرده روحیمی
یاخشی فیض معنادن آی بالا
قارداشیلا هیچ باجی سن کیمی
قسمت ایتمیوب غصّه لر پایین
ایلدون حسینه گوره فنا
روزگاروین ایللرین آیین
مُحتسب لری حیرته سالوب
اولمادی بلن دردوین ساین
بیر خمیده قدّون نما قالوب
سرو قدّ رعنادی آی بالا
واقفم فراغت گورنمدون
شاهدم نه آسوده یاتموسان
تازیانه دگمش وجودیدن
قاره نی هاچان سن چخاتموسان
فاطمه حوره قاره تل لری
تل به تل عزاده آغارتموسان
قارداشون ئولوب آیریلوب حنا
زلف عنبر آسادن آی ننه
دعوت ایلوسن جانویرن زمان
یاسوی گلیم ساخلیون قیزیم
من نجه او گوزلر که اوغلوما
دائم آغلیوب باغلیوم قیزیم
هانسی دردوه اوخشاما دیوم
هانسی غصّه وه آغلیوم قیزیم
هانسی نسگلین شکوه سین ایدیم
چرخ بی مدارادن آی بالا
عالم حقیقتده دردوین
فکرینی دیمه باشدان آتمشام
سینه دن بلورسن یارالیام
یاره لی گلوب قبره چاتمشام
قبری ایلدن ایتگین شهیدیم
اللریم قابورقامدا یاتموشام
من گلنمرم سنده ورما اوز
گئچ بو بیر تقاضادن آی بالا
ای شهیدلری اوخشیان قیزیم
سینه اولی وی داغدار دل
گوزلری گیجه گوندوز آغلیان
ابر بارشین ایلین خجل
اشکوین حسابین بلند یره
کاش اولیدی کپریگلرونده دل
صحبت ایتسه مژگانلارون گیدر
پرده بو معمّادن آی بالا
مرحوم انور اردبیلی
ای گیدن بلا چولونده غارته جلالی قارداش
جان ویرور بلالی باجون هارداسان یارالی قارداش
وار یادوندا سن اُلن گون عرصه گاه نینواده
قان ایچنده جان ویرنده قتلگاه کربلاده
الماقا باشون دیز اوسته اول محل ابتلاده
ایلدیم حسین اراده عرصۀ جدالی قارداش
ال ایاق چالاندا گود قتلگهده سن برادر
باشوی آلام دیز اوسته قویمادی سپاه کافر
باغلیانمادیم گوزون من ای شفیع روز محشر
زینبی او گوندن ایتدی محنتون خیالی قارداش
وار کیمیم بو غربت ایچره باخبر بو نسگلیمدن
آیری دوشموشم وطن دن هم قبیله هم ائلیمدن
دوشموری بو صون نفسده بیر نفس آدون دیلمدن
گوز یاشیم آخور گورنده چشمۀ زلالی قارداش
آلتی گوشه قبرین اوسته چوخ چتین گلم دوباره
گل ئولن زماندا باری باشیمی سن آل کناره
من خجالتم ولیکن سن منی یتور مزاره
آل هاشمه خبر ویر بو اسفلی حالی قارداش
دوزدی هر غمه شریکوق اولماروق غم و محن سیز
سن کفنسیز ئولدن اما قویما من ئولوم کفن سیز
کیم ایدر کفن غریبه یوخ بیلن بو سرّی سن سیز
حیف اولا که سنده مندن دوشموسن آرالی قارداش
حالیمی آنام بتوله کاش بیر نفر یتورسون
اوزگه بیر کسیم که یوخدی زینبه کفن یتورسون
قبره قویماقا بلالی باجوی اوزین یتورسون
یوخدی بیر نفر یانیندا دوغرانوب رجالی قارداش
چخمیوب هله یادمنان ماجرای شام و کوفه
سالدی کوفه نین جفاسی بدر صورتون خسوفه
دوشدی شامیدن منیم ده عمریمون گونی کوسوفه
عمریمون گونی یاخوندور درک ائده زوالی قارداش
گل عزیزه باجوون گور بیرجه حال احتضارین
میلی وار وصاله الدن فرقتون الوب قرارین
گورمویوب دوباره گورمز گوزلری بو روزگارین
من کیمی وفالی باجی سن کیمی وفالی قارداش
(سعدی زمان) علاقه باغلاسا اگر مشیّت
اهل ماتمیله اولسا زینبون مزاری قسمت
کربلایه قیل توجه ایله بو سوزی تلاوت
ای گیدن بلالی چولونده غارته جلالی قارداش
مرحوم حسینی سعدی زمان
ئولورم گل آغلا بیر آز منه
سنه من چوخ آغلامیشام حسین
آنامین او قانلی امانتین
سینم اوسته ساخلامیشام حسین
داریخوب بو آخر عمریده
اؤرگیم آنام جانی شامیده
الیم آشنالره چاتمادی
منی یاد ائدن هانی شامیده
باجیوین سینوب باشی کوفه ده
یارامین آخوب قانی شامیده
یارالی باشا نه حنا قویوب
نه هوروب داراخلامیشام حسین
آنام اوغلی عشق و محبتون
هله جان و خون و رگیمده دی
بیلن اولسا قرمزی خطیلن
یازیلوب آدون اورگیمده دی
منی چوخ دوگوبله سنه گوره
یئری قمچینین بیلگیمده دی
نه بیلور فلک بو الیمله من
نچه یاره باغلامیشام حسین
دئمورم سنه قوشولوب گله
ایکی نازدانه بالام گرک
اولاری گتورمه که گلسه لر
باشیمی اشاقه سالام گرک
سنه عاشقم من ئولنده ده
بالا حسرتینده قالام گرک
که یر آچماز آیری محبته
بو اورک که داغلامیشام حسین
نچه یول ئولوب دیریلم اگر
اورگیم نشان اولا داغلارا
آلیشوب یانام کولومی فلک
سؤورا سپه اوجا داغلارا
گنه آرزو ائدرم دگه
دوداقیم او قانلی دوداغلارا
بو هوسله شامه کیمی گزوب
یریوی سراغلامیشام حسین
بو خمیده قد باجیوین گرک
هدفی جوانلارا درس اولا
بو رویه مکتب عشقیده
هامی قهرمانلارا درس اولا
گئده کربلاده کی گلشنی
گوره باغبانلارا درس اولا
نه خزانه گللری وئرمیشم
نه باغون ایاخلامیشام حسین
من او زینبم که بو شهریده
علم قیامی اوجاتمیشام
یوخودان بو خلقی اویاتماقا
گجه لر خرابه ده یاتمیشام
باشیم اهل شامه اگلمیوب
دانیشوب حماسه یاراتمیشام
یتش ایندی دادیمه هاردا گور
دیزیمی قوجاخلامیشام حسین
کلامی زنجانی
غربتده حسین جان وئرورم یولدا گؤزوم وار
دنیا بویی قارداش دل زاریمده سؤزوم وار
چوخ آغلاموشام ائللره بیر آغلیانیم یوخ
داغلی اورگیم اودلودی دل داغلیانیم یوخ
یوللاردا گؤزوم گؤزلریمی باغلیانیم یوخ
گؤزیاشیمی یوخدی سیلن حسرتله ئوزومدن
آگاه اولا سینمده کی پنهانی سؤزودن
تک گلمه اخی قاسم مه پیکریلن گل
لطف ایله ابوالفضل وفاپروریلن گل
قربانون اولوم قارداش علی اکبریلن گل
گل ائللریلن ائللریمه فخر ائلیوم من
هم قاسمه هم اکبریمه فخر ائلیوم من
آگه سن اؤزون قامتیمی دردون ائدوب خم
زلفیم آغاروب طاقتیمی دلدن آلوب غم
آخر نفسیمده گل اؤزون اول منه همدم
گلسون ئوزوی گؤرسم حسینیم دئیرم جان
غربتده ئولن زینب نالان سنه قربان
گل باشیمی دیز اوسته آل ای خسرو خوبان
گویلوم سنی چوخ ایستیوری آدوه قربان
جانیم یئتیشوبدی دوداقا گل اوخی قرآن
قرآن سسوه عاشقم ای نور دو عینیم
یاسین اورگیم دردینه درماندی حسینیم
گل گؤر سینم اوستونده بو پیراهنی قارداش
یاددان بیلوسن آتماموشام من سنی قارداش
گل حسرتیلن قبره اؤزون قوی منی قارداش
یولداش اورگین دوتسا محن یولداشی گؤزلر
بو رسمیدی جان اوسته باجی قارداشی گؤزلر
جان اوسته سنی قویمادیم اول عرصه ده تنها
گلدیم گؤزوی باغلادیم ای زادۀ زهرا
هر چند چتین اولدی منه اول غم عظمی
گل سنده بو غربتده منی ایله سرافراز
دفن ایله منی باش داشیما غملریمی یاز
مرحوم غمکش
هی گوتدی سوئی توکدی یره گلدی نوایه
آغلار گوزیله دوتدی یوزین کرب و بلایه
گویا بیله عرض ایلدی شاهِ شهدایه
گل گور یارالی منده سنون تک ویرورم جان
تز گل او گلن یوللارا زینب اولا قربان
بو سو ، بو باجون ، بو سویولان کوینک الیمده
حسرت باخشیم ، قارداش آدون واردی دلیمده
بو غربت ایوی یوخدی قبیلمده ائلمده
گوز پرده سنی گور نجه اوخشاتمشام ابره
لطفیله اوزون گل باجوی قوی گینه قبره
ای ما خلقین علتی ، ای مظهرِ صانِع
بیگانه لری وی ایلین خالقه قانع
من قتلگهه گلدیم اولام قاتله مانع
گر دیلده اولان عشقیمی سن بی عرض ایله
گل گلماقیما گلماقویله عوض ایله
گل بیرده کرم قیل منه عیسا نفسوندن
آگهسن اوزون دویمادیم عالمده سسوندن
سعی ایلوری روحیم اوچا سنمش قفسوندن
از بس قفسوندن گوروب آزار و اذیت
گل روحیمی آزاد ایله ای کانِ کرامت
قارداش غمی هجری ، دلینه سالدی شراره
بو فکره دوشوب آتش هجره ایده چاره
ایستکلریندن اوزونی چکدی کناره
گلدی سو کنارینده دایاندی سویا باخدی
بو دللریله یاندوروب عالملری یاخدی
ای سو نیه آخدون چوله سن کرب و بلاده
بیر سندن اوتور آلِ عبا گلدیله داده
دوشدی گینه قارداشیم حسین ئولماقی یاده
حسرتله دونوب قتلگهدن سنه باخدی
آغلار گوزیله بیرده دونوبدی منه باخدی
یعنی سویا حسرت باجی سنده باخاجاقسان
جان ویرماقون مشقنی مندن آلاجاخسان
هر یرده سو گورسون منی یاده سالاجاقسان
زینب دگلم راهِ وفا رسمنی گیچسم
جان اوسته منه عار اولا سندن اگر ایچسم...
مرحوم حاج مجید متین
ناله نی است ای دل یا که ناله شاه است
یاکه نخله طورو نغمه انا لله است
داستان دستانست ازفراز شاخ گل
یا که بانگ قران و کزشه فلک جاه است
گرچه بانوان یکسربی سرند وبی سالار
لیک شاهد مقصود شمع جمع این ماه است
ازچه شمع کاشانه بانوان چو پروانه
یا چو خوشه پروین او چه خرمن ماه است
ای همای بی همتا سایه را مگیر ازما
سایه سرت مارا خیمه است و خرگاه است
شهسوار من آرام برپیادگان رحمی
پای همرهی لنگ استدست چاره کوتاه است
ای که سربلندی تو زیرپای خود بنگر
زانکه نازنینان را سربخاک درگاه است
از فراز نی لطفی کن بگوشه چشمی
زانکه بی پناهان را گوشه پناهگاه است
ازلب روان بخشت زنده کن دل مارا
گرچه نغمه این نی دلخراش و جانکاه است
آنکه باغمت ساز است همنشین و همراز است
درد سینه سوزان یا که شعله راه است
غمگسارو بی یارت داغدار دیدار است
گریه شبانگاه و ناله سحرگاه است
ازدو چشم بیزارش وزغم دل زارش
آن یگانه غمخوارش واقفست و آگاه است
مرحوم آیت الله کمپانی
ای کوه صبر ، محمل تو نور طور داشت
یعنی خدا به بزم غم تو حضور داشت
بر بال جبرئیل امین بوده ای سوار
در کعبه ای که پرده ز گیسوی حور داشت
ای مادر مصیبت و غم ، مادر تو هم
دیشب عزا کنار ضریح تنور داشت
ای سر شکسته بهر ملاقات تو سری
با پای نیزه پیش نگاهت عبور داشت
با خطبه ات ملائکه خون گریه می کنند
پس شام از چه بود که روز سرور داشت
میثم مومنی نژاد
زینبون یانوبدی دلدن جان وئرنده سن یارالی
گل حسین باجون وئرور جان سربسر بدن یارالی
سن وئرنده تشنه لب جان کربلاده قوملار اوسته
گلدیم اُول زمان حسین جان قتلگاهه دلشکسته
شمر الین دوتاندا اولدی اللریم شکسته بسته
عورتی ندن وورورسان اولمادی دییَن یارالی
لطف قیل بو غربت ائوده گل یارالی سینه داغلا
قبلیه چوور یوزومی باخ منه سیزیلدا آغلا
اللرون بدنده اولسا باری گوزلریمی باغلا
قالماسون اؤرکده نسگل جان وئرنده من یارالی
ارث دور بیز اهل بیته غربت اؤلکه ده وئراخ جان
خوشدی زینبه بو اؤلماق چونکه ایسدیوبدی جانان
بیرجه گُل یوزون گورِیدوم تا که جان وئریدیم آسان
قبض روحه وئرمرم سن گلمیینجه تن یارالی
گر سنون بو گلماقوندا زحمت اولسا ای برادر
گلمه سنده گلمه قارداش باری اکبریمی گوندر
سویله اکبریمه عمّون جان وئرور یولووی گوزلر
چون بولور نجه چتیندور اولسا جان وئرن یارالی
قیل قدم عزیز قالسون قویما یولدا گوزلریمی
آل بو غصّه لی اؤرکدن بیر یانخلی سوزلریمی
باشیم اوسته بیرجه اگلن چک کناره گوزلریمی
گور اؤرک باشیندا قانلو کهنه پیرهن یارالی
گر چه روح زینب ایمدی آیریلور حسین بدندن
جانیوه قسم ئولوبدور آیریلان زماندا سندن
قبض روحی اوندا اولدی سن وداع ائدنده مندن
یوز قویوب جداله گئتدون با دل محن یارالی
سن وئرنده جان گَلَنموب قزلارین او سرزمینه
باغلاسونلا گوزلریوی قویمیوبدی اهل کینه
نسگل اولماسون گوزیمی باغلوری قزون سکینه
ساچلارین ایله یولوبدور مثل یاسمن یارالی
آغلیانلارون باش اوسته جان وئرنده سن اولورسان
آغلیان منی حساب ائت گل قدملریوه قربان
گور نه حسرتیله غربت ایچره زینبون وئرور جان
گه دیور حسینیم ایوای گه دیور حسن یارالی
تاپمادیم بلا چولونده جسم پاکیوه کفن من
قویمادی یارالی نعشون بیر قویام مزاره دشمن
من خجالتم ولیکن بو غریبه لطف قیل سن
جسم زینبی گوروب یان ائتگیلن کفن یارالی
وار مرامی دلده گورسون بیر او گل جمالی زینب
باشیوه دوروب دولانسون قالماسون ملالی زینب
بیر دیوم یارالی قارداش سنده دئ یارالی زینب
ای یارالی بیر یارالی آختارور ئولن یارالی
زینبی اؤزون بولورسن چوخ سوؤر او تشنه سقّا
اولماسون خجل برادر اولماسا سوئی، دئ امّا
قولّارون بدنده اولسا گئت باجون گوزینی باغلا
بیر اؤپوم او قولّاریندان ای شه زمن یارالی
زینبون ئولونجه «شوری» ال گوتورمه دامنیندن
عمّه وای دیوب سیزیلدا عرض قیل ای عمّه سندن
ایستیرم حسین مزارین آیریلام خانم وطندن
ورد ائدیم سنون دیلونجه سن یارالی من یارالی
مرحوم میرمحمود آقا شوری تبریزی
حسین وفالی باجون حال احتضاره دوشوب
درون سینه ده یورقون نفس شماره دوشوب
محبت عالمینی سیر ایدن وفالی مرید
دیار غمده گوزوندن ایراق فشاره دوشوب
طریق عشقی پیاده گزوب قدم به قدم
حسین دیه دیه آردینجا کوهساره دوشوب
اسیر حسنون اولوب مرغ روحیم ازلدن
او گون بو گوزلریم اول نرکس خماره دوشوب
قضا قدرله ویروب ال اله یازاندا یازی
هامی بلا بو بلاکش دوشن مداره دوشوب
او شام شوم که گوزده ایدوبدی گوندوزی شام
دولاندی دوره او شهره یولوم دوباره دوشوب
او گوهری که تراب ایچره ایلدیم مدفون
منیله ایندی اونون قبری همجواره دوشوب
ایله منور ایدوب تیره شامی خلق دیور
سپهر مهر و وفادن یره ستاره دوشوب
شمیم عشق و محبت مشام جانی دوتوب
زبسکه بلبل غم دیده لاله زاره دوشوب
او زینبی که یخوب کاخ ظلمی همتیله
شکسته حالیله شام ایچره گیر و داره دوشوب
نفس گیدور داخی گلمور گوزوم قالوب یولدا
ئولوم توزی عرق مرگیله عذاره دوشوب
نه بیر نفر سنی حالیمدن ایلوری حالی
نه بیر کسین یولی عباس نامداره دوشوب
دیه وفالی باجون غربت ائلده جان ویروری
ئوزوب قبیله دن ال حال انزجاره دوشوب
گوزومده گوزلروون عکسین ائتمیشم ترسیم
گوزوم ئولنده ده گورسونله عکس یاره دوشوب
سنه باخان گوزومی آز قالور اجل یومسون
کمند مرگیله اووچی پی شکاره دوشوب
گوزومده گوزلریوین عکسین ایتمیشم ترسیم
گوزوم اُلنده ده گورسونله عکس یاره دوشوب
جمالون عکسینه قورخوم بودور چکه هاله
ایشقلی آی کیمی چون چشم اشکباره دوشوب
سنه باخان گوزومی آز قالور اجل یومسون
کمند مرگیله اوچی پیِ شکاره دوشوب
کتاب عمرومی بیربیر ورق ورور گوگلوم
گوزی سنیله گچن دور روزگاره دوشوب
بلا چولونده گزور گلشن وفانی گورور
ستمله پرپر اولوب قانلی جویباره دوشوب
نه گل نه غنچه هامی سرولر صنوبرلر
سنوبدی قول بوداغی شاخه دن کناره دوشوب
دوشوبدی بیر یانا شرمنده شیر شرزهء عشق
بیر آیری یرده گلوپاره شیرخواره دوشوب
بویاندا عورت اوشاق وامحمّدا سسلنور
اویاندا لشکر کین فکر تار و ماره دوشوب
ویرور غروریله سعداوغلی لشکره فرمان
غریبه فرصت او گون قوم کین شعاره دوشوب
حریم عصمتی قصد ایلیوب سپاه شرور
کبوتران حرم فکرت فراره دوشوب
نه بیر پناه تاپور سایه سینده دالدالانا
نه فکرینه او زمان آیری راه چاره دوشوب
ریاض خلده ووران طعنه گل کیمی بالالار
اسوبدی باد مخالف کمند خاره دوشوب
قاچوبلا چوللره اللر باشندا دیز تیترور
دالنجا هر بالانین بیر نچه سواره دوشوب
بیری ستمله آلور بیر قیزین گلوبندین
بیریسینون الینه قانلی گوشواره دوشوب
بیریسی غارت ایدوب جبریله حریر و طلا
بیرینه قسمت او غارتده گاهواره دوشوب
وراندا هر بالیه تازیانه غارت ایدن
منیمده جسمیمه مین یاره اوسته یاره دوشوب
نلر اولوب دیمورم ساخلورام یانان دلده
قلم یازاندا اورک دردیمی اشاره دوشوب
قالان اساسیمیزه ظلم الیله ویردیلا اود
منیم او اودّا یانان قلبیمه شراره دوشوب
همان اودون اثری ایمدیده یانان دلده
چکور زبانه، شرر قلب داغداره دوشوب
اماندی اصلی دایان دفترون الولاندی
نه اوت دی خامهء زرّین و زرنگاره دوشوب
یقین بو آتش جانسوز آه زینبدی
نه خامه شعله سی هر قلب بردباره دوشوب
حاج عبدالله اصلی
زینب گوروب دوتوب اورگین محنت و ملال
باد صبایه یوز چووروب ایتدی شرح حال
گیت ویر صبا اُلوم خبرین یاره یاریدن
هجران سوزون نگاره آپار بو دیاریدن
کرب و بلایه ایله گذر کوی عشقی تاپ
آگاه قیل حسینی سرانجام کاریدن
دی زینبون یامان گونیدور یوخیدی بیر کسی
مایوس اولوب قبیلدن ایلدن تباریدن
غم بسترینده ایندی دوشوبدور شکسته پَر
عشقون سالوبدی زینبیوی اقتداریدن
غصّه وجودینی اَریدیب قالمیوب رمق
تاب و توان گیدوب اَل اوزوب روزگاریدن
آخر نفس لرین چکوری یولدا گوزلری
کسمیش علاقه زندگی مستعاریدن
پروانه تک طواف ایلیوب عشق شمعنی
بال و پری یانوب شرر شعله باریدن
گاهی سیزیلدوری گهی بیجان دوشور یره
مدهوش اولور شرارهء طوف نگاریدن
حاله گلنده سویلوری قارداش هایانداسان
گل زینبی خلاص ایله بو انتظاریدن
غربت دیاریده اُلورم یوخدی بیر کسیم
غربت غمی چتیندی غم احتضاریدن
یوخ یتدی قارداشین بیری احوالیمی بیله
سالدی عجب فلک باجیوی اعتباریدن
منزل غریب دیار غریب جان ویرن غریب
بو غربت ایوده یوخ گلنیم اهل داریدن
ای یوسف مدینه باجون عطریوی آلور
پیراهن دریدهء بی پود و تاریدن
بو پیرهنده نقش اولونوب اوزگه منظره
روز بلاده کشکمش آشکاریدن
باشدان باشا بو پیرهنون جای زخمی وار
گلبرگ تک جفا یتشوب نیش خاردن
هر تار و پودی شرح جنایات اهل کین
هر رشته سی نشان عمل ناگواردن
کالای عشقدور بونا جان نقدی ویرمیشم
تا آلمشام اراذل بی شرم و عاریدن
بو کوینگ اوسته نولدی منه بیر خدا بولر
عاجزدی دل، بیان غم بیشماردن
گودال قتلگاهده گوردی گوزوم نجه
قان چشمه تک آخور بدن زخمداریدن
خشک ایتماقا یارالاریوی ایلدیم تلاش
دشمن ولیک ویرمدی فرصت کناریدن
بیر بی حیا بروزه ویروب اوز شقاوتین
حیرتدیم دایانمادی گردون مداریدن
الله بولور او لحظه نه غم یتدی زینبه
زلفوم آغاردی دوشدی بدن اختیاریدن
قدّیم کمانه دوندی او گوندن دوزلمدی
تار اولدی گوزلریمده گونوز لیل تاریدن
یولّاندی شام و کوفیه سرعتله قافله
گه شهریدن چکردیله گه کوهساریدن
هر بیر یره یتیشدی باجون باشلادی نوا
نی لر نوایه گلدیله بو آه و زاریدن
من اُلمدیم اوزوم، منی اُلدوردی اهل شام
بیر شام که خلیفه سی وار میگساریدن
سس دوشدی شهره بدرین آلون انتقامینی
فرمان گلوبدی حاکم بی بند و باریدن
هر کس ایشتدی گلدی گیدنلر دایاندیلار
باغلاندی راه کوچه او دم رهگذاریدن
بعضی شماتت ایتدی بیزه بعضی چالدی کف
کینه تموّج ایتدی دل کین شعاریدن
هر بیر جفا که فکره گلور ایتدیلر بیزه
ایوای او شهرده اولونان سنگساریدن
هر داش گلنده رنگی سارالدی رقیه نون
اشکین توکردی دیدهء گوهر نثاردیدن
حاج عبدالله اصلی
گیرنده یثربه زینب چکردی دلدن آه
باخور اسیرلره گوردی بیر بیر عبدالله
دیدی عم اوغلی یانان قلبی بیرده یاندیرما
گوزیوی حسرتیله صاق صولا دولاندیرما
ایشتدی تا بو سسی زوجه سیندن عبدالله
گلوبدی نطقه دیدی لا اله الا الله
بو آشنا سسیدی لیک سرّ مبهم دور
اگر علی قیزیدی قامتی ندن خم دور
خانم بو حالی گوروب ایتدی گوزیاشین جاری
بو شرح حالیله شرح ایتدی مبهم اسراری
اولیدی اُف فلک کجمداره عبدالله
خلل یتیدی بیله روزگاره عبدالله
بو چرخ کینه صفت منله ایتمدی سازش
بیر عمری توش ایلیوب آه و زاره عبدالله
اَریتدی زر کیمی غم بوته سینده ناب ایتدی
یتوردی غصّه ده کامل عیاره عبدالله
الیمدن آلدی اوشاق وقتیده جوان آنامی
یتیمه لیق توزی قوندی عذاره عبدالله
آتامی جدّیمی قارداشمی شهید ایتدی
ترحّم ایتمدی بو دلفکاره عبدالله
حسینیمیله گنه افتخار ایدردیم من
خوشیدی دل بو گوزل افتخاره عبدالله
مدینه ده باجیلار ایچره عزّتیم واریدی
رهین منّتیدیم کردگاره عبدالله
ولیک بیر گجه آواز الرّحیل اوجالوب
چکوب قطاریمی غربت دیاره عبدالله
جلال و جاهیله یثربدن آیریلوب گیتدیم
ایویم یخلدی قیتدیم دوباره عبدالله
مدینه دن گونی آغ زلفی قاره گیتمشدیم
باشیم آغاردی گونوم اولدی قاره عبدالله
پوزولدی بیر گونون عرضینده گلشن عیشیم
نه گون که محنتی گلمز شماره عبدالله
کنار نهرده قارداشلاریم سوسوز اُلدی
باخوب سرشگیمی توکدوم عذاره عبدالله
هامی مصیبته بیر داغ تک استقامت ایدوب
وجودیمی علم ایتدیم فشاره عبدالله
ولی حسینی گورنده گوزوم چوخور یرده
شراره دوشدی دل بُردباره عبدالله
دایانا بولمدیم اولدوم قیامه آماده
باخاندا حجّت پروردگاره عبدالله
او روبهه ایلدیم حمله شیر شرزه کیمی
دیدیله شیر چخوبدی شکاره عبدالله
ایله مهارتیله شمر خنجرون دوتدوم
او عرصه تنگ اولوب اول نابکاره عبدالله
دیردیلر که مگر جنگ خیبر اولدی عیان
علی اَلین آپارور ذوالفقاره عبدالله
او بی حیائیله من کشمکش ایدنده قشون
دوروب کناریده ایتدی نظاره عبدالله
حسینیم آچدی گوزون امر ایدوب باجی صبر ایت
سو سپدی امری دل شعله باره عبدالله
یارالاریندان آخان قانی کربلا چولونی
شبیه ایدوب بیر آخان چشمه ساره عبدالله
ایله یاناردی سوسوزدان اَمَردی دل دوداقین
یانار او حاله دل سنگ خاره عبدالله
مدینه یوسفی گرگان شام اَلنده اُلوب
ایدوبله کوینگینی پاره پاره عبدالله
بو قانلو کوینگ الیمده نشانهء غمدی
عزا اساسیدی هر سوگواره عبدالله
شهادت امری تمام اولدی باشلانوب غارت
که مجملاً ایدورم بیر اشاره عبدالله
دوتون ویرون داغدون غارت ایلیون حکمی
یتشدی تا سپه کین شعاره عبدالله
یریندن اوینادی وحشی صفت قوشون نه قوشون
نه رحم ایدوب اوشاقا نه کباره عبدالله
سالوبدی فرصت اله لشکر ستم پیشه
توکولدی خیمهء عزّ و وقاره عبدالله
هره سی قاچدیلا بیر سمته قورخودان بالالار
تاپانمادی نچه سی یول فراره عبدالله
آتوبدی بعضی اوزون خندقه او وحشتده
گوروبله یوخ داخی بیر راه چاره عبدالله
او گیر و داریده آتلار ایاقی آتدا قالوب
خسوفه دوشدی نچه ماهپاره عبدالله
سالوبلار آت دوشونه قمچی الده ظلمیله
قُواردی هر قیزی نچّه سواره عبدالله
کیمی فراته طرف اللری باشندا قاچوب
کیمی گیدوب سیخلوب پشت خاره عبدالله
تیکان دالیندا او قزلار که قورخودان سیخلوب
اُفوله یتدیله مثل ستاره عبدالله
حریم عصمتی غارت ایدوبدی لشگر شام
آپاردی مقنعه و گوشواره عبدالله
نجه قیتدیله بیرده چوله قاچان بالالار
سوروشما ایله رجوع اختباره عبدالله
دولاندی گون یتشوب مغربه قزاردی شفق
دوشوبدی مهرِ فلک استتاره عبدالله
یانان چادرلاریلا بیر چادر ویروب تشکیل
قالان حرملری یغدیم حصاره عبدالله
قویوبدی هر بیری بر یاندا توپراق اوسته یوزون
باتوب گل اوزلری گرد و غباره عبدالله
هامی یاتوبدی ولی یاتمیوب حیالی رباب
گلوبدی صبحه کیمی آه و زاره عبدالله
یانقلی دللریله اوخشیوب ایدوب شیون
او لیل غم یتشونجه نهاره عبدالله
ملر بیر آهو کیمی گه چخوب چولی دولانوب
بو فکریله ویره سود شیرخواره عبدالله
تاپانمیوب قیدوب منله قورموشوق بیر بزم
عزا هم اصغره هم شهریاره عبدالله
او دردینی منه من قیلمشام اونا اظهار
دیر اورک سوزونی یار یاره عبدالله
او لاله لر که چخوب داغ دوشونده دل داغلی
اولاردا آغلادی بو داغداره عبدالله
او حالتیله گیجه قورتولوب گون ایتدی طلوع
دوزوبله آل علینی قطاره عبدالله
چکوبله قتلگهه اهلبیت اطهاری
دونوبدی گوندوزوموز لیل تاره عبدالله
نه قتلگه یخلوب سرولر صنوبرلر
دوشوبدی قول بوداغندان کناره عبدالله
ولی شمیم وفا سربسر او دشتی دوتوب
شبیه ایدوب او چولی لاله زاره عبدالله
ریاض خلده تفاخر ایدور آچان گل لر
امید وصل یارالدور بهاره عبدالله
ولی اگر اولا مینلر بهار مینلر گل
بو گل لرین تایی گلمز دوباره عبدالله
همان او بار مصیبت لر اولدولار باعث
خلل یتشدی قد استواره عبدالله
دایاندی خامه دوشور اصلی نطقدن طبعون
چون عرصه تنگدی هر نامداره عبدالله
یقین توجّه ایدوبدی اوزی خانم زینب
بو شعر بانمک و آبداره عبدالله
حاج عبدالله اصلی
من زینبم مظاهر الله اکبرم
مرآت پر مشعشع انوار داورم
من پرده دار کاخ اولوهیتم حقه
بنت الجلال و مظهر نور پیمبرم
ستر عظیم ذات حقیله محجبم
اخت الوقار و وارث آئین حیدرم
فخرالائمه عالمه ی بی معلمه
علم و عملده وارث زهرای اطهرم
فخریم بودور که عاقله ی آل هاشمم
بیرده قلاد فاطمه ده سبز گوهرم
دروازه ی علوم محمددی مرتضی
من شهر شاه کربوبلا عشقینه درم
زهرا آنامدی محور منظومه ی ولا
منده نجوم محور زهرایه محورم
مست شراب رنگ به رنگ حسینی ام
هر چند اوزومده شهد مصفای کوثرم
ساقی منه عوالم علویده پنج تن
ساقی با تدبر سلمان و بوذرم
بیر ماده شیر شیر حقم شیرزاده ام
شیر اوژنم که شیر خداونده مظهرم
آواره کیم دئییه منه آواره دور اوزی
منکه عقیله العربم کونه لنگرم
بیچاره کیم دئییه منه بیچاره دور اوزی
دوقوز امامین عمه سیم ماه انورم
مشکل گشا بابامدی که مشکلده قالمارام
کیم توتسا دامنیمدن اونا چاره ایلرم
شمرین نه جراتی آلا معجر بناتیدن
من حامی حجاب بنات پیمبرم
قد رسای زینبی کیم خم ائده بولر
قد رسای مصحف قرآنه زیورم
عباس ضرب و شستی بو زینبدن اخذ ائدوب
منده زیادین اوغلونا ایمدی مظفرم
بیر حمله ائتدی زینبی تا نطقدن سالا
ناگه نه گوردی حمله ده مانند حیدرم
بیر یاحسین لن ائله پوزدیم وقارینی
من دختر مظفر بدریله خیبرم
گر لشگر یزیدی پوزوب قارداشیم حسین
منده یزیدی یخمیشام اونلا برابرم
شامه کیمی قوجاتدی ر غصه لر منی
ایمدی یزیدی یخمیشام اوندان جوانترم
شبگیر طفل مکتب زینبدی والسلام
علت اودور که درس خفیاته ازبرم
کمتر کنیز درگه زینبدی والده م
سویلر آتام که شاه شهیدانه نوکرم
لطف ایله یاحسین آتامی همره آنام
بیر اربعین زیارت شاماته گوندرم
استاد شبگیر
کسی محبت خود یا که برملا نکند
و یا به طعنه و دشنام اعتنا نکند
تمام شهر ز احوال من خبر دارند
قرار نیست دلی بشکند صدا نکند
به زنده ماندن شمع و عروج پروانه
که آشنای کسی ترک آشنا نکند
فراق بعد تو با هیچ عاشقی دیگر
چنان که با دل من کرده است تا نکند
به روی شانۀ هر کس جنازه ای بردند،
نشد که خواهر تو یاد بوریا نکند
قسم به دست امامت که خواهرت آن شب
محال بود برای تو جان فدا نکند...
به زیر تابش خورشید بستری دارم
چگونه یار به محبوب اقتدا نکند
به پشت گرمی پیراهن تو می میرم
کسی ز سینه ام این هدیه را جدا نکند
حسین رستمی
من زینبم که زخمی بغض و بهانه ام
مضمون سرخ یک غزل عاشقانه ام
من روضه خوان حمله ی صدتازیانه ام
پروانه ام که سوخته ام کنج خانه ام
دستان درد آرزویم رابه بادداد
یک آه سرد آرزویم رابه باد داد
پاییز شدهوای بهاری که داشتم
بربادرفت دارو نداری که داشتم
ماندند کربلا کس و کاری که داشتم
پرپرشدند ایل و تباری که داشتم
دستان روزگار مرا بی حسین کرد
من را اسیر داغ شه عالمین کرد
من بودم و عزای بیابان کربلا
بچه یتیم های پریشان کربلا
برروی نیزه ها سر عطشان کربلا
خون میگذشت از سرایوان کربلا
بایادزخمهای تنش گریه میکنم
هرشب برای پیرهنش گریه میکنم
یادم نمیرودکه دل از غصه ها گرفت
شلاقهایشان به تنم بی هواگرفت
دیدم که چکمه ای به روی سینه پاگرفت
یک خنجرشکسته حسین مرا گرفت
دیدم سرش جداشدو باور نداشتم
جای حسین کاش که من سرنداشتم
حالاعزای زخم تنت قاتلم شده
کابوس دست و پازدنت قاتلم شده
بانیزه پشت و رو شدنت قاتلم شده
خون لخته های پیرهنت قاتلم شده
یادم نرفته خاطره ی گوشواره را
گودال و ازدهام و تنی پاره پاره را
بعداز وداع بود که روزم سیاه شد
عباسمان که رفت حرم بی پناه شد
باتازیانه ها بدنم راه راه شد
بامن هرآنچه شد وسط قتلگاه شد
بااینکه روزگار به غارت مراسپرد
دست کسی ولی به پر معجرم نخورد
ازهم گسست بعدتو شیرازه ام حسین
انگار داغدار غمی تازه ام حسین
من درغمت شریک و هم اندازه ام حسین
مجروح سنگ خورده ی دروازه ام حسین
میرفت بعدغربت صحرای کربلا
نیمی ز من به ناقه و نیمی به نیزه ها
مسعود اصلانی
هر کس که بر تو جامه و جوشن گذاشته
پس معجری برای رخ من گذاشته
هر کس گذاشته به تنت جای بوسه ای
بر نازدانه هم سرِ سوزن گذاشته
با فرض این که از جگرت دست می کشد
آتش به دختران تو دامن گذاشته
با دَه زبان گرفته زبان خواهرت ، ببین
انگار در کنار تو سوسن گذاشته
گفتم که سیر این دم آخر ببینمت
اشکم ولی مگر ره دیدن گذاشته؟
معجر برای جسم تو خواهم ولی مگر
مرهم برای زخم تو دشمن گذاشته؟
تو غرق خاک و خونی و خورشید هم گرفت
پس دشت را چه این همه روشن گذاشته؟
راضی شدم که بوسه زَنَم حنجر تو را
اما مگر سنان رگ گردن گذاشته؟
گیرم بخواهم این بدنت را کفن کنم
این نعل های تازه مگر تن گذاشته؟
سید علی احمدی
یک سال و نیم می شود اینگونه مضطرم
یک سال و نیم منتظرم ... چشم بر دَرم
یک سال و نیم روز و شبم غرقِ غم گذشت
حالا ببین که بی رمقم ... بین بسترم
یادم نمیرود که تو ماندی به روی خاک
من ماندم و اسارت و بی تابی حرم
وقت غروب بود ... رسیدم به قتلگاه
دیدم به خون نشسته تن تو برادرم
"ای مصحف ورق ورق ای روح پیکرم
آیا تویی برادرِ من... نیست باورم"
از کربلا به شام به پیش نگاه من
رأسِ تو بود از روی نی سایه سرم
مانده برای خواهرِ تو از تو یادگار
پیراهنی که بافت برای تو مادرم
حالا بیا که باز دلم تنگ روی توست
با گریه بر تو می گذرد روز آخرم...
محمد صادق ابراهیمی
بو همان اوشهریدی بوردا من
سنه چوخلی گوزیاشی یغمیشام
بو بلالی باشیمه نیزه دن
نچه ذبح اولان باشی یغمیشام
توکولنده کوچیه بامیدن
باشیوا دگن داشی یغمیشام
که دوباره آتمیا داش آتان
ئولورم حسینیم هایانداسان
گورورم فراتین آخور چوله
گینه قانیله بولانان سویی
ایکی قول دوشوب ,یولو باغلانوب
دایانیبدور آب روان سویی
باشا باش جنازه دی دوغرانوب
که چکوب قوجاقینه قان سویی
گورورم زمین وزمانی قان
ئولورم حسینیم هایانداسان
سنون عشقیوین من اسیری یم
نه اسیر محنت روزگار
قولی باغلی باشیوین آردیجان
منی شامه ایتدیله رهسپار
سوسوز حنجریندن آخان قانین
هله ساچلاریمدا نشانی وار
مگر اهل عشق اولی بی نشان
ئولورم حسینیم هایانداسان
بو عیاندی جان ویرن آشنا
گوزی یولدا بیر گلن آختارار
دیمورم گلنده کفن گتور
اونی گرچه هر ئولن آختارار
سنی بیکفن گوره زینبون
اوزونه مگر کفن آختارار
باشیم اوسته دیده گلوب آنان
ئولورم حسینیم هایانداسان
منه آرزودی بو صون نفس
او گوزل جمالیوی بیرگورم
یول اوزاخدی سنده یارالیسان
سنه چوخدی زحمتی لاجرم
دیورم دیزیمده توان اولا
بویولون یاراسینی من گلم
یاریسیندا سن گله سن الان
ئولورم حسینیم هایانداسان
داخی بوردیف حیاتیدن
قلم زمانه چخور منی
گلوری قولاقیمه بیر صدا
ایله صون نفسده سیخور منی
دیه سن رقیه دی سسلوری
بی بی قویما ناقه یخور منی
پوزوب حالیمی او گوزل بالان
ئولورم حسینیم هایانداسان
اوزی قورتارور,قوتولان دگول
ولی رنج ومحنتی زینبون
اولاجاق محرمیله صفر
دوشه جاق حکایتی زینبون
دوزولوبدور آنینا گور نجه
عرق شهادتی زینبون
باخورام صاقا صولا ناگران
ئولورم حسینیم هایانداسان
سنون او یارالی جنازه وی
نچه دفعه خوابیده گورموشم
اورگیمده قان قطراتینی
آخان اشگ نابیده گورموشم
قوری یرده جان ویریب اولماقین
غمینی ربابیده گورموشم
اولور آیریلیق غمی چوخ یامان
ئولورم حسینیم هایانداسان
عزیز ممی پور (عندلیب تبریزی)
الهی ایمدی که عمروم یتوبدی پایانه
یتور حسینیمی باری من پریشانه
وار التجا سنه یعقوبی صبریدن قوتاریب
دوباره شمسی یئتیردون او ماه کنعانه
اماندی رحم ایله غربتده زینبه یارب
دوشوبدی کشتی عمروم بلالی طوفانه
مدینه یوسفینی تز یتور باشیم اوسته
سنی قسم ویرورم آیه آیه قرانه
یامان گونومدی منیم کیمسه یاوریم یوخدی
دیار شامیده جانیم چخور غریبانه
بو آغلیان گوزومی تیکمیشم گلن یولونا
یئتورگیلن الیمی سون نفسده جانانه
سن ای همیشه باشیم اوسته حاضر و ناظر
فراق یار منی گتدی عاقبت جانه
الیمی درگهیوه آچمشام امیدیله
علاج ایله اورکیمده بو درد هجرانه
سنون الوندن اوجا هانسی الدی عالمده
سنون الوندی دوتان اللری کریمانه
دارخمشام بو ولایتده نچه مدتدی
حسینون هجری منی ایلیوبدی دیوانه
یتور حبیبیمی بو دمده باغلاسین گوزومی
غریب شهریده جان ویرمیوم یانا یانه
غم فراقی چکوب عمرومی باشا ویردیم
دونوبدی گوزدن آخان گوز یاشیم قزیل قانه
حسینون عشقینه خاطیر باشیم بلایه دوشوب
سالوبدی اود غم هجرانی خرمن جانه
ایله اسور اورگیم قبرینون زیارتینه
توکم گوزوم یاشینی قبر شاه عطشانه
چوخ آرزو ایلدیم اولمادی ولی قسمت
منی او قوش کیمی گویا سالوبلا زندانه
محال الونده سنون لا محالیدور لطف ائت
حسینی باری خدایا یتور بو نالانه
عنایتون اولاجاق زینبه بیوک احسان
نه چون رقیه ده مشتاقیدور بو احسانه
وصاله تک نه منم بیقرار دنیاده
که بی قراریدی مندنده چوخ او دردانه
فلک اونون یوزونی راضی اولمادی گولسون
گوزی گوتورمدی باخدوقجا دور دورانه
او شاهزاده نی سالمشدی بیر یامان درده
گلردی صبح و مسا درد الیندن افغانه
دیردی عمه منی چوخ داریخدرور شامات
خصوصا اهلی جفا ایلیوله مهمانه
یورلدی یومدی گوزون روزگاریدن آخر
عزاسی شامی او گون ایلدی عزاخانه
خرابه یرده اونون قبرینی اوزوم قازدوم
او نازنین بالیا مسکن اولدی ویرانه
واریمدی قورخی که منده اولم بو غربتده
قالا مزاریمز حشره کیمین غریبانه
یازاندا غم سوزونی ((ساده)) دوشدی دفتره اوت
یانوب آلشدی مقالی یتونجه پایانه
عنایت ایله الهی منیم بو شاعریمه
او دم کی لنگ گلر پای حکم و میزانه
استاد طهمورثی (عتیق)
جهت دسترسی به مطالب بیشتر درباره وفات حضرت زینب علیها السلام «ویژه نامه اسوه عشق و شکیبایی» را مشاهده نمایید.
افزودن دیدگاه جدید