نوار "مصیبت یتیم" حاج داود علیزاده 1354
نوار "مصیبت یتیم" حاج داود علیزاده 1354
نوار "مصیبت یتیم" با صدای حاج داود علیزاده ، اجرا شده در شب تاسوعا سال 1354
برای دسترسی به سایر آثار «حاج داوود علیزاده» اینجا کلیک کنید.
متن نوحه "مصیبت یتیم" حاج داود علیزاده
غروب اولاندا گئدر قلب‌یدن قراری یتیمون
قرا گیینده هوا، قالماز اختیاری یتیمون
شفق رنگ طلایی گییر لباس شبانه
دوشر بیر آیری حالا، حال اضطراری یتیمون
هزار هزاریه نسگیل اولور سرود عزاسی
هزار درده‌ن دونر دردی از هزاری یتیمون
ائدر یول اوستونی دیواریلر کنارینی مأوا
گر اولماسا ایوی آرتوق اولار فشاری یتیمون
ایکی الیله گؤررسن ایکی دیزینی قوجاقلار
تؤکر سرشگین ایکی چشم اشک‌باری یتیمون
ساتار گلیب گئدنه در اشگینی آلان اولماز
عیاریدن کم اولار در پر عیاری یتیمون
گؤتورور عکسینی عکاس عالم ملکوت
پوزار ملکلریده غملی یادگاری یتیمون
یوخوسی گلسه قولون بالش ایلیوب گئدر هوشه
دوشر نظردن ایکی نرگس خماری یتیمون
دارار قرا تئلینی لای‌لای دیین قره یئللر
یئل اسدقی‌جه گئدر طره‌دن غباری یتیمون
اوجا سسی ائشیدر دیسگینر دورار یوخوسوندان
ئورکده وحشتی آرتار بلا دچاری یتیمون
گینه‌ده اوغلان اوشاقی اولا نه غصه‌سی واردی
دؤزر بلایه اولار غمله سازگاری یتیمون
آتاسی ئولسه اوغولدان قیزا مؤثر اولار چوخ
خیال‌تک پوزولار زلف مشک‌واری یتیمون
خصوص بیر قیز اولا خوش ادا و صحبتی شیرین
آنا باجینی کباب ایلر آه و زاری یتیمون
حسین کیمی آدون سینه‌سینده پرورش ائتسه
علی نشانی اولا عمِّ نامداری یتیمون
دوشر نه حاله بو قیز ساربان قویوب گئده چؤلده
اوزه ائلیندن الین بوش قالا کناری یتیمون
گؤزون آچوب یوخودان پهن دشته ائتدی نظاره
گؤروبدی کوچ ائلیوب مقصده قطاری یتیمون
اگر کی آج سوسوزیدی غذاده چیخدی یادیندان
مدار غصه‌ده تنگه دوشوب مداری یتیمون
صاقا صولا نئچه یول عمه عمه سسلدی قاچدی
چاغردی هارداسان ای غم گؤنونده یاری یتیمون
سسینه اولمادی سس ئوز سسین ائشیتدی او چولده
ئوزون یوروب آزالیب قدرت فراری یتیمون
قدم باشی بو قیزون نیش خار ایاقینی ئوپدی
اورک قانی ایاقیندان اولوبدی جاری یتیمون
کسیلدی چاره او یورقون بالا یول اوسته اوتوردی
دوشوب خیالینه ئوز شهری ئوز دیاری یتیمون
گؤیول قوشی پر آچوب اکبرین اتاقینه گئتدی
گؤروبدی اوردا دگول قاره گؤز نگاری یتیمون
کمال یأسیله یوز دوندروبدی راه دمشقه
دئدی گئدیب بو یولی شامه غم‌گساری یتیمون
هایانداسان علی ایستکلین اولدی چوللر اسیری
نه قورخولی یئره گل گؤر دوشوب گذاری یتیمون
آتام بابام کیمی سنده علی یتیمه نواز اول
محبته واریدی سندن انتظاری یتیمون
بی‌بی‌لریمه گلایه ائله منیم طرفیمدن
آزالدی تئز نه سببدن گؤر اعتباری یتیمون
اؤزوم یوخودان اویاندیم نه چاره بختیم اویانمور
اویانسادا دئی گؤروم بختینون نگاری یتیمون
اثر ایدیبدی سوزی پهلو شکسته فاطمیه
پوزوبدی حالتینی حال انکساری یتیمون
گلوب بو خیردا قیزون باشینی دیز اوستونه آلدی
اوپوبدی لبلرینی مادر کباری یتیمون
جمالینه تؤکؤلن تئللرین اویان بویان ایتدی
مجسم اولدی نظرده صولان عذاری یتیمون
گؤزل بالا دئی گؤروم کیم ووروب جمالیوه سیلی
قصاص بیلموب آلار حیِّ کردگاری یتیمون
دچار ثانی اولوبسان بویوک ننون کیمی سنده
اونا چتین یتیشه تیره روزگاری یتیمون
گؤزوندن اشگیوی سیلم بو چولده همدمین اولام
دؤزنمرم قالا تنها سینا وقاری یتیمون
داریخما شامه گئدنلر گلر سراقیوه الان
که چوخدی قافله‌ده یار هوشیاری یتیمون
او خردا قیز او خانم عورتین ائشیتدی کلامین
دئدی گمان ائدیرم آرتدی افتخاری یتیمون
بی‌بیم کیمی بو خانم دم‌بدم اوپور دوداقیمدان
ایکی گؤزوندن ائدیر اشگینی نثاری یتیمون
بهشت عطری گلور حوریدیر گلوبدی بو دشته
ملکدی یا کی گلوب اولدی یار و کاری یتیمون
اگر بو حور و ملک دور نیه قرا گییونوب
عجیب غصه‌لی دور مونس دل‌فکاری یتیمون
غریب آتامون آدین ازبر ایلیوبدی دیلینده
چوخ آشنادی بونا باب تاج‌داری یتیمون
گؤزلدی گؤزلری عینا بی‌بیمه بنذری واردی
باخاندا گؤزلرینه قالمور اختیاری یتیمون
مدینه اهلیدی اولما دوشوب گذاری بو چؤلدن
عجب کمک یئتیروب آفریدگاری یتیمون
تانیمورام ولی بو دیندیریر منی ئوز آدیملا
نه غصه‌سی وار اولا بیله غصه‌خواری یتیمون
اورکلنوب دئدی بیردن خانم گلورسن هایاندان
فدا او گؤزلریوه قلب پر شراری یتیمون
سنون بو یاخشیلیقون لازم هدیه‌دی نیلوم
نه واردی قولباقی نه واردی گوشواری یتیمون
بیزیم قبیله‌میز اهلی سخادی ایش بئله دوشدی
اولان بو گؤز یاشیدور یوخدی آیری واری یتیمون
من آغلورام بابامین باشینی ووروبلا جدایه
آتاسی ئولسه اولار اوخشاما شعاری یتیمون
سنون ئولوبدی کیمون آهون اوستن آه چکیرسن
باخور سنه چوخالور درد بی‌شماری یتیمون
نفسون اودلیدی قدین خمیده ساچلارین آغدی
قرا گؤنون قره ائتمه به حق تاری یتیمون
جواب وئردی منه فاطمه دیلّر عزیزیم
شریک محنتیوم جداً آری آری یتیمون
بالام حسینه جگر گوشه‌سن بؤیوک ننووم من
منه مؤثر اولار بزم سوگواری یتیمون
بی‌بی‌ندن ائتمه گلایه قیزیم بی‌بی‌نده نه چاره
فلک یوروبدی اودور مام بردباری یتیمون
*****
ایستوردوم اولام قافلۀ غم سراقیندا
آچدیم گؤزومی بو گئجه‌نین غملی چاقیندا
گؤردوم ئوزومی بیر خانم عورت قوجاقیندا
زلفی آغیدی معجری قاره یوزی نیلی
دگمیشدی او بیچاریه‌ده من کیمی سیلی
پهلوسینه قویموشدی الین اشکین الردی
هر لحظه اوغول وای دیوب آغلاردی ملردی
اودلی نفسیندن بابامون عطری گلردی
بیر اوخشاماقیلان تانیدیم سوز دلیندن
بیلدوم که آنام فاطمه‌دی ئوپدوم الیندن
حاصل منی مشغول ایلدی ویردی تسلا
نه خاطریمه دوشدی سکینه نه‌ده لیلا
بختیم منه یار اولدی فلک قویمادی اما
بیر بی‌کس آنام گلدی منیم دادیمه یئتدی
زجرون سسین آلدی اودا بولمم هارا گئتدی
دنیاده قوی پنجه اولانلار باش اوجاتدی
زجرونده گوجی من کیمی بیچاریه چاتدی
من زجره سلام ائتدیم او ال قمچیه آتدی
ال باشه قویوب یاندیروب عالملری یاخدیم
او ووردوقوجا حسرتیلن من گؤیه باخدیم
عرض ایلدیم آواره اولان بنده‌یم آلله
افسرده و پژمرده و شرمنده‌یم آلله
آخر سنه بو چؤلده پناهنده‌یم آلله
قویما منی زجر ئلدوره هنگام خطرده
عمه‌م یولومی گؤزلیه نعشیم قالا یئرده
*****
نالم سسی چیخار گئجه‌لر عرش طاقینه
اورگشمیشم یاتاندا بی‌بی‌مین قوجاقینه
*****
گون باتاندا سعی ائیله بو ایوه ظلمت دجی سایه سالماسون
آخشام اولجاقین بو یتیملر قلبیمی غبار غم آلماسون
سن اوزون چراغ یاندور هر گئجه زینبیم قرانلوقدا قالماسون
زینب اوخشاسا منده آغلارام قبر ایچینده هردم عم اوغلی جان
****
بو خرابه‌نی ائلمه وطن، باجی دور گئدک، باجی دور گئدک
آتا باشی سینه‌ده جان وئرن، باجی دور گئدک، باجی دور گئدک
سنی قویدی قاره گونه فلک، گینوب قرا قره باغلادون
بو خرابه شامه کیمی باجی، مَلَه دون اؤرکلری داغلادون
دَوَه اوسته یولداشیدون منه، گجه آغلادون گونوز آغلادون
گوزوون یاشین منیدوم سیلن، باجی دور گئدک باجی دور گئدگ
بو خرابه‌نی ائلمه وطن، باجی دور گئدک، باجی دور گئدک
آتا باشی سینه‌ده جان وئرن، باجی دور گئدک، باجی دور گئدک
قفسینده یِل دَگه توز قونا، ساغالان دَگُل نَقَدَر دوا
قویالار بو یاره‌نون اوستونه، نه روا قناره نون اوستونه
باشینی یاتاندا عزیزه قیز، قویا خشت پاره‌نون اوستونه
قوری یئرده ای اَریَن بدن، باجی دور گئدک باجی دور گئدگ
اسَرا قطاری دمشقیدن، دوشوری حجازه طرف یولا
بابامین زیارتی وار گمان، بیزه اربعین ده نصیب اولا
بیلورم مزاریده یاتموسان، باخوری گؤزوم گئنه صاق صولا
باجینون سوزون خوش اولار باجی، ائشیدوب اگر یره سالماسا
قره کوینگ عمّه لرون باجون، گینوب قرا گئدوروک یاسا
سنی اکبرون جانی آی باجی، ایاقوندا کی یارا توخداسا
آرالانما باجیدان عمّه‌دن، باجی دور گئدک باجی دور گئدگ
نقدر کتابِ عزا و غم، یازالار باجی سوزی بوردادور
آتاما عزیزه اولان قزون، بیله جک هامی ئوزی بوردادور
وطنه گئدور قیدوب گلر، خانم عمه‌مون گوزی بوردادور
دیریلیکده هی بشیک ایستدون، یتشنده فکریوه صود امر
سنه بیز بشیک تاپا بُلمدوک، یوزه توکدی گوزلرون اشک تر
او قدر مریدون اولار سنون، بو یئره زیارتیوه گلر
گتورر بشیک سنه هر گلن، باجی دور گئدک باجی دور گئدگ
- مصیبت یتیم
- حضرت رقیه سلام الله علیها
شعر: مرحوم حاج انور اردبیلی، مرحوم رحیم منزوی اردبیلی
دیدگاه‌ها
آقا اجرتون با سید الشهدا خیلی خیلی حال کردم یاد خاطرات محرم کودکی ایم افتادم
السلام علیک یا اباعبدالله
تشکر
عالی بود. بسیار پرمعنا
من دنبال نسخه قدیمی چه میشد گر مرا مادر از آن کوچه نمیبردی میگردم 2بار این نروضه رو حاج داود علیزاده خوندن تو یکی از نسخه ها وداع حضرت علی به زبان عربی هم هست که من پیداش نمیکنم
In reply to من دنبال نسخه قدیمی چه میشد by سید ضالح موسوی
پ., 01/19/2023 - 12:57من دارم قباله ی فدک زبانحال عربی
بسیار عالی عالی من آذری نیستم ولی روضه های ترکی سوز عجیبی دارن و خیلی دوست داشتم این روضه را اجرشون با خانوم حضرت صدیقه طاهره
ممنونم عالی بود
خیلی خوبه
افزودن دیدگاه جدید