عاقیل - گوز - بختیار وهاب زاده

عاقیل - گوز - بختیار وهاب زاده

یئرین لایلاری کیمی،
گویون قاتلاری کیمی
فیکریم آچیلیر هردن
گوز اونومده قاتباقات.
شئیلرین ان کیچیگی –
آتوم ذرّه جیکلری،
ان بویویو - کاینات.
او دا گوزله گورونمور،
بو دا گوزله گورونمور.
بئله اوتدو عصرلر،
طبیعتین وئردیگی
گوز عاجیزمیش نه قدر...
اینسان او کیچیکلیگی،
اینسان او بویوکلوگو
گورمگه چوخ جان آتدی،
اوزونه گوز یاراتدی.
او، میکروسکوپ یاراتدی،
او، تلسکوپ یاراتدی.
چوخ احکاملار داغیلدی،
چوخ قورغولار پوزولدو.
عصریمیزده
عاقیل دوندو گوز اولدو.