تاریخ انتشار: 10 دسامبر 2022 شماره مطلب: 44971 تعداد بازدید: 456 نظرات: 0
انجمن‌ها:
آنا هدیّه سی - بختیار وهاب زاده
آنام ناماز اۆسته ال آچیب گویه
الله ا یالواریر "یا ربّیم!-دئیه:-
سنسن خلق ائلیین گویلری، یئری،
جاندان شیرین اولور بالا، آی الله.
سن منیم عومرومدن کسیب ایللری،
بالامین عومرونه جالا، آی الله!
بو ندیر؟ آرزویا، دیله یه بیر باخ،
گور بیر نه لر کئچیر آنا قلبیندن؟
چوخدور بو دۆنیادا هدیّه... آنجاق
عوموردن هدیّه گورمه میشم من.
ایسترم، بیر آنا، بیر بالا سوزو
لۆغتده سوزلرین اونونده گئده.
اوجا اولدوغوندان آنانین اوزو
اوجادیر، بویوکدور هدیّه سی ده.
چوخدور هدیّه لر اینسان آدینا:
قیمتلی زینتلر، قیمتلی داشلار.
آنا حیات وئریر اوز اوولادینا،
هم ده اوز عومروندن عومور باغیشلار.
