متن مداحی ترکی | احوالات حضرت علی اکبر علیه السلام
متن شعر مداحی آذری احوالات حضرت علی اکبر علیه السلام ویژه شب هشتم محرم الحرام
احوالات حضرت علی اکبر علیه السلام
جان ویرور جوان بالام گلشنی سولان باجی
اکبریم باتوب قانا گل ایله فغان باجی
......................................................
آغلیان یوخدی باجی اکبر ناشادیمه گل
اورکیم قانه دونوب تز یتش امدادیمه گل
ویر خبر قارداشیم عباسیله فریادیمه گل
دشمنیم شادلیق ایدور جسمیده یوخ توان باجی
گیتدی الیمدن باجی جان شبه رسول مدنی
قویدی یالقوز بو بیابانی بلا ایچره منی
اونا خاطردی چاغیردیم کمکه ایندی سنی
ال چالور خنده کنان لشگر دونان باجی
قطعه قطعه ایلیوب پیکرینی قوم لعین
یوخدور امکان گتورم خیمه لره گل بدنین
سالموشام قانی عبانی یره ای زهره جبین
حمل ایدم یوخ کمکیم قلبیم اولوب قان باجی
اگلشوب باشینین اوستونده فغان ایلیورم
اکبر اکبر دییورم دلده بیان ایلیورم
آچموری گوزلرینی اشک روان ایلیورم
سیلورم گوزده کی قانی من نالان باجی
آلوب اطرافیمی دشمن دورا بیلمم ایاقا
باخورام حسرتیلن گاهی صولا گاه ساقا
نه عجب حرمت ایدوب کوفه نون اهلی قوناقا
چوخ دگوب پیکرینه نیزوو پیکان باجی
عمده بیر یاره سی وار دور منی جاندان آپاروب
تیغ پر کینه باجی اکبری حالدان آپاروب
آتاما بنزری واردور بالامی قان آپاروب
اوتورا بیلمیورم یوخ داخی امکان باجی
سنی زهرا جانی بو مطلبی لیلایه دیمه
باش یاراسین باجی جان عترت طاهایه دیمه
گلشنیم اولدی خزان بلبل شیدا یه دیمه
ایتمسون زلفینی بو چولده پریشان باجی
گر رقیه م بیله بو مطلبی افغان ایده جک
باشداکی یاره نی گورسه اورگین قان ایده جک
وای دییوب حسرتیلن قورخورام الدن گیده جک
کوفه و شام قالار سینمیا پیمان باجی
بسدور(عینی)یازوسان هرسوزی عریان گورورم
دوغریبدور بدنین دشمن قرآن گورورم
اکبرین جسمی عباده سوزولور قان گورورم
سسله امدادیمه یتسون شهه مردان باجی
مطالب مرتبط
