بئله - عاشیق علی عسگر

بئله - عاشیق علی عسگر

زر-زیبا خلعتی پنهان ائیله‌دین.
بیچدیردین قدیمه نحس آغی بئله.
آل دیلله گتیردین، مهمان ائیله‌دین.
قاتدین شربتیمه نحس آغی بئله.

غواص دریالاردا باغلار سال ایندی.
کئچن گونو دوست، یادینا سال ایندی،
شاهمار زلفون گردنیندن سال ایندی.
آت بوینوما، ائله ناساغی بئله.

اوخویون صحراسی، اودا سلماسین.
رقیب دوست کویوندا اودا سالماسین،
فلك علی‌عسگرتك اودا سالماسین
نه ناخوشی بئله، نه ساغی بئله