ای اوزه تك - تک - عاشیق علی عسگر
ای اوزه تك - تک - عاشیق علی عسگر
او سرخوش یریشین، بو ساللانیشین
یتیردی دردیمی آ یوزه تک-تك؛
جمالین شوقیندن عاغلیم داغیلدی.
افشان ائله زلفون آی اوزه تک-تك.
مسکن سالدیم آستاناندا درینده،
دوست باغینی بجرین‌ده، درینده!
گوهر اولار دریالاردا درینده،
غواص چکر اونو آی اوزه تک-تك.
علی‌عسگرین آز عمرونو اوزگیله،
سوناسان سن، دریالاردا اوزگیله.
بیر سالخیمدا پیوند اولار یوز گیله،
کامل باغبان گرك آی اوزه تک-تك.
موضوع انجمن
افزودن دیدگاه جدید