دوشرسن - عاشیق علی عسگر
دوشرسن - عاشیق علی عسگر
مغرورلوق ائیله‌ییب، استادام دئمه.
اولار که، بیر یئرده دارا دوشرسن.
باش تولك دئییلسن، چولپا بالاسان،
سرگردان قالارسان، تورا دوشرسن،
آلچاقدا دایان که چیخاسان باشا،
تولکوسن، آصلانلا گیرمه ساواشا،
گه‌ل یاپیشما گوجون چاتمایان داشا،
گوتوره بیلمزسن، زورا دوشرسن.
بیزه ساتماگینن عشوه، نازینی،
دونده‌ره‌ره‌م قیشا بهار، یازینی،
سویارام لباسین، آللام سازینی،
یال قویروغو یولوخ یولا دوشرسن.
ساخلا دیلین، ئوزون ایچون یاغیدی.
عاشق علی‌عسگرین اودلو چاغیدی،
وورار قایناغیندا سنی داغیدی.
گویدن یئره پارا-پارا دوشرسن.
موضوع انجمن
افزودن دیدگاه جدید