یاخشیدی - عاشیق علی عسگر

یاخشیدی - عاشیق علی عسگر

عارف اولان، گلین سیزه سویله‌ییم.
ایگید سوزو مرد-مردانه یاخشیدی،
کیشی گرك دیدیگیندن دونمه‌سین،
بی‌ایلقاردان بیر زنانه یاخشیدی.

قلبی دوز اولانین، ایوی حاج اولو،
قونشویا کج باخان ئوزو آج اولو.
ایکی آروادلیلیق ماردان آجی اولو،
بئز گئیدیرسن بیر جانانه یاخشیدی.

علی‌عسگر کوثردن باده ایچنده،
گشت ائله‌ییب مرد ـ نامردی سئچنده،
گذران خوش اولوب، گون خوش کئچنده
بیر سن، بیر یار، بیر ده خانه یاخشیدی