چکیرسن - عاشیق علی عسگر

چکیرسن - عاشیق علی عسگر

محنت زمانه، بیمروت فلك،
شامی صبحه، صبحی شامه چکیرسن.
لحظه‌ده آچیرسان مین جوره کلك،
گاهدان اگیب، گاه نظاما چکیرسن.

چوخ حسرتلر گورمور ئوز کیمسه‌سینی،
وایا دوندریرسن طوی مجلسینی،
ترقی، تنزل کمانچاسینی
گاه زیلله‌ییب، گاه‌دا بمه چکیرسن.

برهم اولسون تقدیر، پوزولسون یازی؟
بو قورغودان هئچ‌کس اولماز ایراضی.
ائششگه بزرسن ابرو اطلسی،
به‌دو دئییب، شاهلیق داما چکیرسن.

سکسن ایل قورغونا ایتدیم تماشا،
سنده بیر اعتبار گورمه‌ديم، حاشا...
هئچ کس دوران سوروب چیخمادی باشا.
اکمز کوتان کیمی خاما چکیرسن.

رحیمسن، کریمسن، عدل و عدالت،
کونولدن خبردار، هر دیله بلد،
سیددن، ملادان، دوستدان خجالت،
بو نه داغدی سن سینمه چکیرسن..؟