اولماز - اولماز - عاشیق علی عسگر
اولماز - اولماز - عاشیق علی عسگر
عاشق اولان عشقه دوشر، درد چکر،
منیم کیمی دردی یوز اولماز-اولماز.
هر آغاجدان صندل، هر یارپاقدان گل،
هر تورپاغین طامی دوز اولماز-اولماز.
ذکرسیز مومنی شیطان آللادار.
ساییقسیز ایگیدی دشمن آللادار،
عاغیلسیز جاهیلی کیرشان آللادار،
گونی کئچمیش قاری قیز اولماز-اولماز.
علی‌عسگر صرافسان، گوهری تانی،
دوستلارا قرباندی دشمنین جانی،
جومردین کیسه‌سی، مردلرین نانی،
انشاءالله ئولونجه آز اولماز-اولماز.
موضوع انجمن
افزودن دیدگاه جدید