شکر خانم - عاشیق علی عسگر

شکر خانم - عاشیق علی عسگر

گتمه گوز ئونوندن، آی شکر خانم.
کونلوم چوخ مایلدی او قلم قاشا.
اوتور مجلسیمده سن منیم جانیم
من ساز چالیم، سن ائتگینن تماشا.

من عاشقم، یاساق یوخدو دیلیمه.
شکر ایله‌رم سندن گلن ظلومه.
سنین کیمی گوزل کئچمز الیمه،
تمام گزسم بودنیانی باش-باشا،

گوزللر سلطانی، گوزل‌لر خانی،
قایتارمازلار پیره گلن قربانی.
اؤلدور علی عسگری، قورتارسین جانی،
وای خبرین گوندر قوهوم-قارداشا.