چیخیبدی - عاشیق علی عسگر

چیخیبدی - عاشیق علی عسگر

آی حضرات، گلین سیزه سویله‌ييم،
بو دنیانین خیاناتی چیخیبدی.
انصافلار آزالیب، مروت گوده‌لیب،
قاضیلرین مضراتی چیخیبدی.

الیمیزی آپاریبدی سرت آیاز،
روزیمیز اولوبدو گوندن_گونه آز،
ملا شیطان اولوب، آخوند شیئتباز.
مشهدی، کبلایی لوتو چخیبدی.

قوچولار، قولدورلار قاطار تاخیرلار.
فقیر-فقرایه یان-یان باخیرلار،
کیمی ایسته‌سه‌لر وورور، ییخیرلار
بئش آتلانین چاتا-چاتا چیخیبدی.

پریستاو، ناچالنيك گلنده کنده
اوبانی، اویماغی وورولار بنده.
خرج اوسته، چوخلاری دوشدو کمنده.
قامچیدا بلینین قاتی، چخیبدی.

گزیرلر هاوالی آقالار بگلر،
ایشله‌ییر قان‌ترده ناخیرچی، نوکر،
مختصری دییر-عاشق علی‌عسگر:
کووخانین، کاتدانین ذاتی چیخیبدی.