تاریخ انتشار: 24 دسامبر 2020 شماره مطلب: 33761 تعداد بازدید: 934 نظرات: 0
انجمن‌ها:
تللی - عاشیق علی عسگر
شاهمار زلفلرینی گورندن بری
دردیم آرتیب، دونوب عمانا، تللی!
آی کیمی شوق سالیب آینا قاباغین،
چوخلارین ائیله‌ییب دیوانه، تللی!
گورن مایل اولور هر نظامینا.
نچه پروانه‌لر یانیر شامینا،
یاراشیر لباسین گل اندامینا،
من دییرم مرد و مردانه، تللی!
یارادان پوزماسین بو نوراغینی.
باشاتان یاندیرسین شام چراغینی.
آلا گؤزلرینی، گول یاناغینی
ترسا گورسه، گلر ایمانا تللی!
آغ بوخاغین ایشیقلیدی بیللوردان،
لبلرین عیننابی، دهانین دُردان.
یارادان خلق ایدیب بیر قطره نوردان،
دوشوبسن ائللره، نشانه تللی!
علی‌عسگرم، شاد اولمادیم دنیادا.
سنی گوردوم، دردیم اولدو زیادا.
اوزون بری دوندر، آی ملك‌زادا،
سنی آند ویریرم پیمانه، تللی!
