سینمده وار - عاشیق علی عسگر
سینمده وار - عاشیق علی عسگر
بیلیرسن کونلومون ندیر داواسی،
نچه یارلارین یار، سینمده وار.
یاندیریر جسمیمی عشقین هاواسی،
بیمروت، دیمیرسن قار سینمده وار.
اولماز بیر بو قدر عشوه، غمزه، ناز.
پاییز کئچدی، قیش دولاندی، اولدو یاز.
الها خوش گیده‌ر، دیلین قوروماز
نه اولار، دییه‌سن نار سینمده وار.
گلیرم، آلتیما پالاز آتمیرسان،
سبب ندی منی آلیب، ساتمیرسان؟
آخشام اولور، گلیب یئرده یاتمیرسان.
معلوم قوجالیقدان کار سینمده وار؟
یازیق علی‌عسگرم، یورغون، ناچاغام،
بئله ایشلریندن ائودن قاچاغام،
چوخ دا قوجالمیشام، هله‌کی، چاغام،
بیر آز ناموس، غیرت، عار سینمده وار
موضوع انجمن
افزودن دیدگاه جدید