تاریخ انتشار: 17 دسامبر 2020 شماره مطلب: 33647 تعداد بازدید: 313 نظرات: 0
انجمنها:
یئتمهدی - عاشیق علی عسگر
عمروم آه-وایینان کئچدی دنیادا،
حسرت قالدیم، الیم یارا یئتمهدی،
نچه نامه يازدیم، جانان ائلینه،
هئچ بیریسی او دیارا یئتمهدی.
نه گوزومله بیرجه یاری گورمهدیم،
نه دیلیمله احوالینی سورمادیم،
باغ بسلهدیم، غنچه گلون درمهدیم،
خزان اولدو، باغچام بارا یئتمهدی.
داغلارین کوکسونده قار نشانهسی،
گل اوسته گورونور خار نشانهسی،
ئولورم قلبیمده یار نشانهسی،
گوزوم یولدا، انتظارا یئتمهدی.
گوزو یاشلی، ای فقرا علیعسگر!
ایشی اسگیك، بختی قارا علیعسگر!
اولمادی دردینه چارا علیعسگر!
حسرت الين او دلدارا یئتمهدی.