دوشدو - عاشیق علی عسگر

دوشدو - عاشیق علی عسگر

چرشنبه گونونده چشمه باشیندا
گوزوم بیر آلاگوز خانیما دوشدو؛
آتدی مژگان اوخون، کئچدی سینمدن،
جادو غمزه‌لری قانیما دوشدو.

اشارت ائیله‌دیم، دردیمی بیلدی،
گوردوم هم گوزلدی، هم اهل دیلدی.
باشینی بولادی، گوزوندن گولدی،
گولنده قاداسی جانیما دوشدو.

علی‌عسگرم هر علمدن حالییام.
گوزه‌ل، سن طبیبسن، من یارالییام.
دئدی: «نشانلییام، ئوزگه مالییام»،
سیندی قول-قاناديم، یانیما دوشدو،