نوحه ترکی امام جواد علیه السلام - کلامی زنجانی
نوحه ترکی امام جواد علیه السلام - کلامی زنجانی
بو آده قربان – مراده قربان
جانیم امام – جواده قربان
گل جناندی – رضایه جاندی
او مرد علم و – جهاده قربان
سلام او جوده – او گل وجوده
نمازی رونق – وئروب سجوده
معین قرآن – ولی سبحان
عزیز زین العباده قربان
امام معصوم جواد مظلوم
جوان چاقیندا – گئدوب جهاندان
ائشیسه هر کس – ویرر اونا سس
دئیر او سوزان نهاده قربان
گلوب باشا معتصم جفاسی
جوان ئولوب هادینون آتاسی
شهید اولان ام فضل الینده
منادی اعتقاده قربان
دی لعن اولا فرقه عناده
جنازه او چ گون قالوب اراده
ائدوبدی قوشلار فغان هواده
دئدی او نیکو نژاده قربان
غمی جوادین – جهانی داغلار
ملکلر اما حسینه آغلار
جواد ئوزی جدینی چوخ ایستر
سوسوز کسیلدی مناده قربان
حسین شهیدانه سرور اولدی
فدای الله اکبر اولدی
گلنده مهدی دیر بو عالم
او حامی عدل و داده قربان
جناب زینب او حاله آغلار
حسینه الاندا سینه داغلار
قدم قویوب قتلگاهه گوردی
قالوبدی باشسیز اراده قربان
ــــــــــــــــــــــــــــــــــــــــــــــــــــــــــــــــــ
مأخذ: آرزوی کلامی
تاریخ انتشار: ۱۳۸۶
افزودن دیدگاه جدید