متن نوحه ترکی شهادت امام کاظم علیه السلام
متن نوحه ترکی شهادت امام کاظم علیه السلام
در این بخش از ضیاءالصالحین، به مناسبت شهادت امام هفتم شیعیان، متن نوحه ترکی شهادت امام کاظم علیه السلام را تقدیم سوگواران آن حضرت می نماییم. با ما همراه باشید.
« متن نوحه ترکی شهادت امام موسی کاظم علیه السلام »
زندانیم بغدادیده
امداده گل یافاطمه
بوینومدا که زنجیره باخ
فریاده گل یافاطمه
یافاطمه یافاطمه ...
ترک ایله شهریثربی ای زاده خیرالورا
محبوبۀ عزّ وجل جانیم سنه اولسون فدا
روح و روانیم سن منیم ای مفخرآل عبا
اللهه خاطر محبس بیداده گل یا فاطمه
غربتده دشمن اوغلووی زندانه سالدی آی نه نه
حق اوسته موسا اون بیرایل محبسده قالدی آی نه نه
آه و فغان و ناله سی عرشه اوجالدی آی نه نه
سالما نظردن کاظمی بغداده گل یافاطمه
پیغمبراوغلون یاده سال گئتموش الیندن طاقتی
دهرفناده اون بیرایل درک ایتدی درد غربتی
خصم لعینون وارهله قلبینده آیری نیّتی
قورتاربومحنتدن منی فریاده گل یافاطمه
غربتده قالدیم اون بیرایل بیر آشناده گلمدی
ساده سالانیم اولمادی معصومه داده گلمه دی
یولدا گوزوم قالدی نه نه اوغلوم رضاده گلمدی
بغداده گلسون عال معناده گل یافاطمه
هارون خیال ایتدی منیم غملر پوزوبدی حالیمی
نیّات پستی دشمنین برهم ائدوب اجلالیمی
آند اولسون حقه پوزمیوب اندوه ومحنت حالیمی
اوغلون حسینین محنتین سال یاده گل یافاطمه
گل گوشه ی زنداندا بیر بزم عزا برپا ائدک
غمنامه باهم باشلیوب شورو نوا برپا ائدک
بیر مجلس روحانی آل عبا برپا ائدک
من نوحه دیلدن باشلیوم سن داده گل یافاطمه
عرشه اوجالداق ناله لر نوحه دیوب قان آغلیاق
اشک ملال و محنتی گوزدن عذاره باغلیاق
گَل که شرار محنت و درد اوسته سینه داغلیاق
باشه قرا معجرسالوب بغداده گل یافاطمه
دشت بلاده جدیمون بیحدکه اولدی غملری
ایستی هواده سینه سین آماج ایدوب غم لشکری
دیلدن سالوب درد و الم بنددل پیغمبری
فرمایش اوندا ایلیوب امداده گل یافاطمه
گل داده دوغراندی نه نه قرآن یولوندا اکبریم
عونیله فضل و جعفریم دوغراندی گل سرلشکریم
پوزدی بومحنت حالیمی اوخلاندی دیل سیز اصغریم
دوشدو ایاقدان صحنه ی هیجاده گل یافاطمه
بسدور اشاره محنت کرب و بلایه آی قلم
زهرا عنایت ایلدی آلامیدن ایتدون رقم
الطاف زهرا (مژده) نی دنیاده ایتدی محترم
یازکه هرایه محشر کبراده گل یافاطمه
خاموش ائدیبله شمع شبستان حیدری
زهریله ئولدوروبله بو موسی ابن جعفری
وار حاجتون دئ صدقیله باب الحوائجه
مشکل گشا مُلقَّب ائدیبله او سروری
زوّاردن عریضه یازین ایلیین شفیع
سیز بو غریبه قاسم و عبّاس و اکبری
یوخ الده زادِ راحیله صدقیله آغلاسین
تا ایسته سین رواقینه بو وقته بیزلری
زنداندا تورپاق اوسته قالیبدور جنازه سی
نه مادر و نه خواهر و نه یار و یاوری
بیر تخته اوسته دورد نفر حمّال حمل ائدیب
تابوتیدن کناریده قالمیشدی اللری
بو ماجرا یتیشدی سلیمان جعفره
امر ایلدی توکولدوله خدّام و نوکری
حمّالیدن آلیبلا امامین جنازه سین
فریاد سیّدا بؤرؤیوب هفت کشوری
غسلین وئریبله عزّتیله دفن ائدیب رضا
راضی ائدیب پیمبر و خاتون محشری
یا فاطمه چوخ آغلاما زنداندا ، قیل نظر
گور کربلاده یتمیش ایکی نعش اطهری
باخ بیر حسینیوه ، خس و خاشاک اولوب کفن
قلبینده زخم تیر ، قوجاقینده اصغری
بیر نوعیله بدن داغیلیب ، بند بندیدن
نه باش قالوب بدنده نه چیگنینده اللری
یا فاطمه توجّه ایله نهر علقمه
بیر شاخ دور یخیلمیش علی نین صنوبری
قوللار دوشوبدی بیر طرفه مشک بیر طرف
از بس ایاقلیوبلا تانینمازدی پیکری
شبه پیمبرین گوتوروب ، سسلنیر باجی
لیلاده پیشواز ائله سین گلدی اکبری
اهل حرم یتیشدیله نعشین قوجاقلیوب
آغلار بو حاله مادری اوخشاردی خواهری
جهت دسترسی به مطالب بیشتر درباره شهادت امام موسی کاظم علیه السلام «ویژه نامه خورشید در بند» را مشاهده نمایید.
افزودن دیدگاه جدید