باجی دور گئدک - حاج سلیم موذن زاده و داود علیزاده
شعر ماندگار استاد انور اردبیلی در مصیبت حضرت رقیه (سلام الله علیها) با عنوان باجی دور گئدک با نوای اساتید مرحوم حاج سلیم موذن زاده و حاج داود علیزاده
متن مداحی باجی دور گئدک
بو خرابه نی ائلمه وطن
باجی دور گئدک... باجی دور گئدگ
آتا باشی سینه ده جان وئرن
باجی دور گئدک... باجی دور گئدگ
اُسَرا قطاری دمشقیدن
دوشوری حجازه طرف یولا
بابامین زیارتی وار گمان
بیزه اربعین ده نصیب اولا
بیلورم مزاریده یاتموسان
باخوری گوزوم گنه صاق صولا
گوزومه گورونموسن حیف سن
باجی دور گئدک... باجی دور گئدگ
گولِ عمر کلِّ خلایقی
بیلورم خزانه اجل چکر
هامی آرزولرینی قویار
اؤرگینده کلک خلل چکر
سنی مندن ائتدی اجل جدا
باجیدان مگر باجی اَل چکر
باجیسین همیشه چوخ ایستیَن
باجی دور گئدک... باجی دور گئدگ
سنی قویدی قاره گونه فلک
گینوب قرا قره باغلادون
بو خرابه شامه کیمی باجی
مَلَه دون اؤرکلری داغلادون
دَوَه اوسته یولداشیدون منه
گجه آغلادون گونوز آغلادون
گوزوون یاشین منیدوم سیلن
باجی دور گئدک... باجی دور گئدگ
نقدر کتابِ عزا و غم
یازیلا باجی سوزی بوردادی
آتاما عزیزه اولان قزون
بیله جک هامی ئوزی بوردادی
وطنه گئدور قیدوب گلر
خانم عمه مون گوزی بوردادی
قالا چوخ چتین نگران گئدن
باجی دور گئدک... باجی دور گئدگ
ساغالان دَگُل قویالار دوا
نَقَدَر بو یاره نون اوستونه
قفسینده یِل دَگه توز قونا
نه روا قناره نون اوستونه
باشینی یاتاندا عزیزه قز
قویا خشت پاره نون اوستونه
قوری یرده ای اَریَن بدن
باجی دور گئدک... باجی دور گئدگ
باجینون سوزون خوش اولار باجی
ائشیدوب اگر یره سالماسا
قره کوینگ عمّه لرون باجون
گینوب قرا گئدوروک یاسا
سنی اکبرون جانی آی باجی
ایاقوندا کی یارا توخداسا
آرالانما باجیدان عمّه دن
باجی دور گئدک... باجی دور گئدگ
نقدر ساغام نفسیم گلور
پوزاجاق منی محنون سنون
وئریلنده غسل جنازووه
سویولاندا پیرهنون سنون
قویولاندا مغسلون اوستونه
گورونن زمان بدنون سنون
باشا ووردی آغلادی غسل ائدن
باجـی دور گئدک... باجی دور گئدگ
دیورم اؤرک لره نقش اولا
اثری قالا بو سوزون باجی
گوروننده قمچیلرون یری
هامی فوری یومدی گوزون باجی
بی بیم اولماسیدی ، رباب آنام
او گون ئولدورردی ئوزون باجی
دئدی بس هانی بالاما کفن
باجـی دور گئدک... باجی دور گئدگ
باشوون بلاسینی گور فلک
باجی جان یتوردی هارا سنون
بدنونده قمچیلرون یری
ایاقوندا قالدی یارا سنون
هامی قبره آغ گینوب گئدر
کفنونده اولدی قرا سنون
قره بخت اولور قره پیرهن
باجـی دور گئدک باجی دور گئدگ
بو اوچوق حصاریده ائتمه سون
غم و غصّه دن ئوزووی رها
کمک ائتسه حق بو خرابه یر
اولاجاق عمارتِ پر بها
هامینون عزیز لیگی بسته دور
بو جهاندا بیر اولان الّلها
هامونی عزیز اودی ایلیَن
باجـی دور گئدک باجی دور گئدگ
دیریلیکده هی بشیک ایستدون
یتشنده فکریوه صود امر
سنه بیز بشیک تاپا بُلمدوک
یوزه توکدی گوزلرون اشک تر
او قدر مریدون اولار سنون
بو یره زیارتیوه گلر
گتورر بشیک سنه هر گلن
باجـی دور گئدک باجی دور گئدگ
مطالب مرتبط
دیدگاه‌ها
عالی بود باجی دور گدک
عالی بود باجی دور گدک