متن مولودی ترکی امام سجاد علیه السلام
در این بخش از ضیاءالصالحین به مناسبت میلاد با سعادت سیدالساجدین حضرت امام سجاد علیه السلام، متن مولودی ترکی امام سجاد علیه السلام را تقدیم محبان اهل بیت علیهم السلام می نماییم. با ضیاءالصالحین همراه باشید.
« متن مولودی ترکی امام سجاد علیه السلام »
ساقيا باده گتور عشق ائوى آباد اولدى
شادلیق ايّامى گلوب غم ائوى برباد اولدى
سرخوش و مست ائله عشّاقى شغف جاميلن
گنه ديلّرده سرور و شعف ايجاد اولدى
آشنا چیخدى بيزه وجد و سرور و شادى
غم و درد و الم و غصّه بيزه ياد اولدى
بلبلا شور حجازى اوخى شوقيله بو آى
اوچ گولون عطرى گلور موسم اعياد اولدى
گولّى کوينک گينوب دشت ودمن، باغ و چمن
غمزده قوشلاراوچوب غصّه دن آزاد اولدى
شهرشعبانين اوچى،دوردى، بئشى خوش گوندى
دالبادال اوچ گونى اوچ سروره ميلاد اولدى
اوچومنجى آقاميز گلدى اوچونده بو آيين
او گوزلّر گوزلى مفخر اجداد اولدى
گونون آريديجا بنى هاشم آيى سيره چخوب
حضرت امّ بنين صاحب اولاد اولدى
شهربانو که بيز ايرانّيلارين مفخريدى
او غفيفه آنادان حضرت سجّاد اولدى
شاه ايران قيزى، بطحا شهينه اولدى گلين
ائله شهزاده خانمدان بئله شهزاد اولدى
زينب آغوشه آلوب قارداشينون دلبندين
دئدى عمّون سنه قربان اورگيم شاد اولدى
باخدى مولوده حسين گولدى ولى "ثُمَّ بَکى"
دئدى بيلديم آناسى عازم ميعاد اولدى
اوغلونون آدين على قويدى،على‌اوغلى حسين
ائشيدنلر دئدى به به نه گوزل آد اولدى
وقت اولوب ايليه تزويج، آلوب فاطمه نى
اوز عموسى حسنه حُسنونله داماد اولدى
گر صفاتين سايابيلسون بيله جکسن آیدین
گوزل اجدادى کيمى مجمع اضداد اولدى
چوخلى سجده ائله دى سجده ائدنلر آقاسى
لقبى حشره کيمين زينت عبّاد اولدى
هره بير مجلسه يا بير زادا معتاد اولار
شکرللَّه که «بشير» هيئته معتاد اولدى
سید بشیر حسینی میانجی
۞ ۞ ۞
حق ائدوب حسینه بیر اوغول کرامت
حجّت الهی رهبر جماعت
دینه پیشوا اولسون
خلقه رهنما اولسون
مقدمی مبارک
شیعه لر بو عید فخر ساجدین دور
زینت عبادت زین العابدین دور
لطف ائدوب حق یکتا
نوریلن دولوب دنیا
مقدمی مبارک
گلدی تا جهانه پادشاه والا
اولدی نوره باران دودمان زهرا
بیزده شاد اولاخ دلدن
عطر آلاخ بو بیر گلدن
مقدمی مبارک
کیمده وار بو شه تک بیر بیله سعادت
عمرونی ائدوبدور سربسر عبادت
فخر ساجدین دور بو
زین العابدین دور بو
مقدمی مبارک
بو شهین وجودی منبع سخادی
گل آدی مریضون دردینه دوادی
حجت خدادور بو
شاه ماسوادور بو
مقدمی مبارک
عمرده بو حضرت چوخ گئدوب سجوده
ائتمیوبدی شکوه خالق ودوده
هر زمان دعا ائتدی
خالقه ثنا ائتدی
مقدمی مبارک
نازنین وجودی چوخ دوشوب بلایه
امر حقدن اؤتری دؤزدی هر جفایه
حقین آلدیلار الدن
اود دوتوب یانوب دلدن
مقدمی مبارک
گون دولاندی اولدی مسکنی خرابه
گوز یاشی آخاردی درّ تک ترابه
گلدی خاطری درده
اولدی حالی پژمرده
مقدمی مبارک
شامده بیر آهو گلدی دیده گریان
اؤز دلینجه دردین عرض ائدوب او حیوان
بیر بالام گئدوب الدن
یانموشام آقا دلدن
مقدمی مبارک
قورخورام بالامی ئولدوره او صیّاد
سیّدی دخیلم گل آل ایله آزاد
معدن سخاسوز سیز
دردیمه دواسوز سیز
مقدمی مبارک
گلدی گوردی صیدی ساخلیوب اوصیاد
آلدی رأفتیله ایلیوبدی آزاد
دردینه دوا ائتدی
قلبینی رضا ائتدی
مقدمی مبارک
وار گوزوم قاپوزدا ای عزیز زهرا
«تابع دینم» من، لیک ، سوز یازاندا
ائت منه نظر شاها
طبعیمی ایله گویا
مقدمی مبارک
مرحوم تابع دین
۞ ۞ ۞
میِ وصلیندن ای ساقی
منه بیر باده عشق اولسون
گوزوم روشن گونول خرّم
گلوب فریاده عشق اولسون
سووندی بو گجه قلبِ
شه آزاده عشق اولسون
عجب مولود زیبادور
بئله میلاده عشق اولسون
ئورکدن سسله ای عاشق
آقام سجاده عشق اولسون
گوزل آیدور مه شعبان
قلوب شیعیان گولدی
مه و خورشیده سیمای
زمین و آسمان گولدی
طراوت غنچه لر تاپدی
آچوب گُل گُلسِتان گولدی
چاتوب جان وصل جانانه
ئورکدن انس و جان گولدی
یقینا رویِ زهرا و
امیر ِ مومنان گولدی
که یعنی جشن میلاده
اولون آماده عشق اولسون
بو آی بیر آیدی چوخ آیدان
مقام و شانی افضلدی
طلوع سوم شعبان
حسین بن علی گلدی
علی مولود زیبانی
گورنده قلبی دینجلدی
چهارم روزِ شعبانین
قضایاسی مفصلدی
علمدار شه دینون
سجایاسی مُسجّلدی
حسینی مهریلن دامه
سالان صیاده عشق اولسون
علی بن الحسین گَلدی
نهایت روزِ پنجمده
می ِ شور و میِ شادی
لبالب ساغر و خُمده
سماده هم صفا هم نور
زیادت تاپدی انجمده
غم و اندوه خُرد اولدی
رواج فیض اولوب عمده
گزور دیلدن دیله بو سوز
میانِ جمعِ مردمده
حسینه چوخ سلام اولسون
بئله اولاده عشق اولسون
آتاسی خسرو خوبان
آناسی فرد ایرانی
بئجردیب بطن پاکینده
گُلِ خوشروی زیبانی
بو نورین پرتو حسنی
ائدوب ایرانی نورانی
بشارت اهل ایرانه
آچوبدور باب احسانی
گلوبدور دکتر ِ آلِ
عبا وار الده درمانی
دیون زین العبا تاجِ
سر عُبّاده عشق اولسون
وئرون تشکیل بیر مجمع
دواسیز دردمنداندان
اولار که ایستیور چخسون
گُنَه سیز شخص زنداندان
او که بیماردور یاتمور
عذاب جسمدن جاندان
شفا هر کس گزور گلسون
جنوب و غرب و هر یاندان
دئسون بیر دفعه یا سجاد
قوتارسون رنج و بحراندان
اولار که جان تاپار سُویلَر
دمِ عیساده عشق اولسون
کرم دریاسیدور هیچ کس
بو شَهدن ناامید اولماز
سَوا بو باب رحمتده
سیاهیلن سفید اولماز
مراده چاتماز اول کس که
بو مولایه مرید اولماز
خدا عالمدی اعماله
عَمَللر ناپدید اولماز
دانا کیم حق سجادی
او محشرده سعید اولماز
سعادت مند انسانه
بویوک سوداده عشق اولسون
۞ ۞ ۞
ابوالفضل عبّاسی معروفان اهری
ای هامی عالملره جان یا علی بن الحسین
عبد بی همتای جانان یا علی بن الحسین
مدحیوه عاجزدی خامه،شأنی ای فوق جلال
مادحون ذات خدادور،ای حبیب لایزال
شأنیده ایزدنماسن، حُسنده احمد مثال
مظهر الطاف سبحان یاعلی بن الحسین
ای مناجات و دعاده مقتدای صالحین
آدلانوبسان ماسوالله ایچره فخرالساجدین
سس گلوب گویدن سنه تک انت زین العابدین
زینت العُبّاد یزدان یا علی بن الحسین
۞ ۞ ۞
الّی یتدی ایل عمر ایدوبسن بو فنا دنیاده سن
طول بومدت اولوبسان ای امام ممتحن
روز و شب تسلیم‌فرمان‌خدای ذوالمنن
ای همای اوج عرفان یا علی بن الحسین
روز عاشورا مشیّت ایتدی ایله اقتضا
ظاهرصورتده بیمار‌اولدون ای روح دعا
لکن‌اولموشدی سنه تفویض امورات ولا
ای امام کون و‌امکان یا علی بن الحسین
افتخاریله آتان ایتدی جهاده فتح باب
نخل کفری ریشه دن قیردی مثال بو تراب
آز قالوردی خانه ایمان و دین اولسون خراب
ایلدی تجدید‌بنیان‌یا علی بن الحسین
روز عاشورا آتان اولدی معلم نهضته
تا ابد اولدی معرّف جوهر حُرّیته
دینی ذلتدن رشادتله یتوردی عزّته
اولدی احیا دین وقرآن یاعلی بن الحسین
نهضته اولدون مکمّل سنده ای حقه ولی
ایلدون تحقیر اسارتله گروه ارذلی
اولدی زنده شامده خون حسین بن علی
تاپدی نهضت تازه بیرجان یا علی بن الحسین
شامده مسجده سن بیر خطبه اجرا ایلدون
آل بوسفیانه کیفر خواست انشا ایلدون
اوردا فی‌المجلس یزیدی خوار و رسواایلدون
ای حسینِ شام ویران یا علی بن الحسین
حاج محمد تقی جابری
۞ ۞ ۞
گوزلرآیدین ای شیعه زین العابدین گلدی
حضرت حسین اوغلی فخرساجدین گلدی
عطر بهجت افزاسی دیللره صفاویردی
گلشن امامتدن غنچه معین گلدی
اوگلون عطر جانفزاسی بوریوب عرصه جهانی
دولانوب فصل نوبهاره ادبا موسم خزانی
جهانه چونکه زین العابدین گلوبدی
امام مقتدای ساجدین گلوبدی
زین العابدین گلدی
شیعه لرفرح لنسین رهبر جهان گلدی
عالمه گوزل مولا شافع جنان گلدی
نورحق عیان اولدی کوی عشق و عر فاندا
اهل بیتی شاد ایتدی جسم عشقه جان گلدی
خلف مصطفانین اوغلی شه عزت نشان گلوبدی
ایلیوب ذات حق عنات گل باغ جناب گلوبدی
گلوبدی سرور مدینه بوجهانه
بیان (مژده) تهنیتدی شیعیانه
زین العابدین گلدی
امام مُفترض الطّاعه دور امام عقیل
اوزی مروّج اسلام، مسلمینه دلیل
چکر منادی غیبی بو نوعیله فریاد
گرک بیان اولا حالاتِ سیّد سجّاد
بو فکر قاصریله شرح کامل ایلماقا
اوزیندن ایلورم اول شاه دینون استمداد
وار اختلاف تواریخده ولادتینه
مورّخین ایدوب نچّه نحویله ایراد
بشمجی گون مهِ شعبان یازولّا بعضی لر
همان گون عیدیدی مخصوص بو شهه میلاد
بیر آیری عدّه نصف جمادی الاوّل
یازولّا، ایستمورم تک به تک یازیلسون آد
بو گون سپهر امامتدن ایلیوبدی طلوع
اولوب منوّر اونیله بو عالم ایجاد
غلطدی گون دییم، اوندان گون اقتباس ایلر
نظیر اولا بونا گون، یوخدی اوندا استعداد
آتا آنا طرفیندن بیوک جلالتی وار
ایدر جلالینه غبطه تمامی افراد
عجمده فُرسین، عربده قُریشین عزّتی وار
اولوب هر ایکی سینه منتَسب بو پاک نژاد
آدی علیدی، آتاسی حسین، شاهِ عرب
آناسی دختر یزدگرد نسل قُباد
اودور کُتبده آدی ابن خیرتین یازیلوب
اولوبدی مُشتهر عالمده زُبدَةُ الاَمجاد
کنیّه سی عرب ایچره ابا محمددور
دیه لّر اسمینه ایرانیان یگانه و راد
آتاسی شهدی بو شاهین، آناسی شهزاده
اولوب ملقّب اوز عصرینده قبلة العبّاد
بونا ویروبدی خدا زین العابدین لقبی
بودور عوالم امکاندا زینت زُهّاد
نه وار نظیری جلالتده نه مصیبتده
ایدوب بو نوعیله مرقوم، صاحب ارشاد
همینکه گلدی جهانه آناسی ایتدی وفات
اولوب آنا طرفندن غمی فزون و زیاد
ایگرمی اوچ ایل آناسیزلقین غمین چکدی
بودور موافق اخبار معتبر اسناد
قورولدی کرب و بلاده بساط عاشورا
حسینون ایلدی انصاری بیر بیر عزم جهاد
کومکلر ئولدی، امام حسین شهید اولدی
تاپولمادی ایدن آل محمّده امداد
دوشوب کمند بلایه حرم غزاله لری
مخدّراته آچوب جور و ظلم الین صیّاد
گوزی باخا باخا اولدی اسیر عمّه لری
حیالی باجیلاری چکدی ناله و فریاد
بقیّةُ الله اوزی ناخوش، اهل شامه اسیر
علاوه بوینونا زنجیر ووردی اهل عناد
ایده لّه ناخوشا حرمت جهاندا رسمیدی بو
غریبه حرمت ایدوب کوفیان بد بنیاد
ویروبله ناخوشا مرکَب جهازسیز ناقه
ایا امام زمان اهل شام الیندن داد
گوروبدیلر دوه اوستنده اگلشه بولمور
بیر آیری ظلم ایلیوبلر او فرقهء بیداد
ایاقلارین دوه نین قارنی آتدا باغلادیلار
ئولونجه شیعه نی قویماز بو غملر اولسون شاد
روایت ایلوری راوی گیرنده کوفیه من
جهازسیز دوه ده گوردوم اول شفیع معاد
گیوب ایاقلارینا تازه قرمزی چکمه
دئدیم عزالی گیه قرمزی اولور ایراد
یاخونلاشاندا نه گوردوم که گورمسون گوزلر
دامارلارینان آخور قانی، قانه دوندی #فؤاد
گیدوب او حالیله ابن زیاد مجلسینه
او مجلسین ستمین من ایلنمرم تعداد
امام بوینونا بیر غل جامعه ووردی
اولوب او بار بلادن کمان، قد شمشاد
بو ظلمه ایلمدی اکتفا او بدفرجام
پیمبر عترتینی سالدی حبسه ابن زیاد
نه حبسخانه که تاریک و تنگ بیر یریدی
گوزیمده تار اولور عالم او حبسی ایتسم یاد
اوزی درین یریدی هم سو باغلامیشدی عدو
خانیملار اوردا چکردی گیجه گونوز فریاد
ز بسکه قول قولا باغلیدیلر خانم بالالار
دگلدی ممکن اوتورسونلا، نیلسون سجّاد؟
او قلب عالم ایدوب تاب بیر بیله ظلمه
حصار صبری ولی شامده اولوب برباد
نجه دیوم که بنی هاشمین خانملارینا
دیار شامده کفّار خارجی قویوب آد
یزید ایلدی احضار شراب مجلسینه
امام قلبینی قان ایتدی، ایتدی اخذ مراد
باخوب امامه گهی گولدی، گه شراب ایچدی
امام قتلینه گه حاضر ایلدی جلّاد
ویروب خرابه ده یر اهل بیت اطهاره
ندندی اولمادی بر باد بو خراب آباد
(حسینی) شکر ایله کفران نعمت ایتمه که حق
فنونِ شعره سنی لطفیله ایدوب استاد
اگر چه واردی قوافی ده دال و معجمه ذال
ولی یازوبلار اسانید یوخدی استبعاد
سیدرضا حسینی
جهت دسترسی به مطالب بیشتر درباره ولادت امام سجاد علیه السلام «ویژه نامه زینت عبادت» را مشاهده نمایید.
مطالب مرتبط
