تاریخ انتشار: 10 فوریه 2021 شماره مطلب: 35138 تعداد بازدید: 338 نظرات: 0
انجمنها:
کئچدی طوف کعبه دن، اوچماغه پروا ائتمه دی - فضولی
گئجهلر تا حالیمه گردون تماشا ائتمه دی،
ترک ائدیب بیدادینی، بیر مهر پیدا ائتمه دی.
ناوکین گؤر کیم، یاروب اشکیم، توتار گؤز پرده سین،
ای دئین موسی عصاسی قطع دریا ائتمه دی.
هر دمیندن مین مسیحا زندۀ جاوید اولور،
سن ائدن اظهار اعجازی مسیحا ائتمه دی.
آشیان تا روضۀ کویینده توتدی مرغ دل،
کئچدی طوف کعبه دن، اوچماغه پروا ائتمه دی.
ضعف طالع کسدی دنیادن نصیبین زاهدین،
یوخسا اؤز رأییله زاهد ترک دنیا ائتمه دی.
هیچ عابد آنمادی لعلین کی، گؤزدن قان تؤکوب،
سجده دن دوردوقجا، تغییر مصلا ائتمه دی.
ائتمهدی ائلدن نهان بیر گئجه طوف کویینی
کیم، فضولینی صدای ناله رسوا ائتمه دی
![Share](/sites/all/modules/addtoany/images/share_save_171_16.png)