قالدی کی قالدی - عاشیق علی عسگر
قالدی کی قالدی - عاشیق علی عسگر
دورور نشانه‌سی آغری داغیندا.
نوحون قیامتی قالدی کی، قالدی.
یاری ترقیده، یاری تنزل،
چوخونون قسمتی قالدی کی، قالدی.
ئوزو-ئوز ایشینی بیلمه‌ین نادان
عبرت ائلمزمی شاهدان، گدادان!؟
حاتم نه‌مدتدیر گیدیب دنیادان،
بیزه سخاوتی قالدی کی، قالدی.
علی‌عسگر دونمه‌دی ئوز ایلقاریننان.
بیری خلاف دگیل یوز ایلقاریننان.
سازیننان، سوزوننن، دوز ایلقاریننان
ائللرده صحبتی قالدی کی، قالدی.
موضوع انجمن
افزودن دیدگاه جدید