آ یاغا-یاغا / عاشیق علی عسگر

آ یاغا-یاغا / عاشیق علی عسگر

داغلار سینه‌سینده لاله سیر ائلر،
سری سجده قیلار آیاق، آیاغا:
داردا قالانلارین دادینا یئتر،
صدق‌‌ ایله چاغیرسا آی آغا، آغا!..

یازیلار کاغذین سین آراسینا،
نانی گتیررلر سین آراسینا؛
جسد جانسیز گیدر سین آراسینا،
نکریین قالدیرار آیاق-آیاغا،

علی‌عسگر، عشق آتین یایین تهرینده.
نقاشلار یای چکر یایین تهرینده،
داغلار آل گیینر یایین تهرینده،
قیشین چله‌سینده آیاغا-یاغا...