یازیغام منی - عاشیق علی عسگر
یازیغام منی - عاشیق علی عسگر
الفدن درس آلدیم، ابجد اوخودوم،
یتيشدیم، ئوگرندیم، یازیق عمه‌نی.
شیرین جانیم مژگانینا توخودوم،
سن‌اله، ئولدورمه، یازیغام منی!
عرش اوزونده گون دولانار، آی اوزه‌ر،
مخنثی مرده قویما، آی اوزه‌ر.
حسرتیندن آی اینجلدر، آی اوزه‌ر،
قیشی درد و محنت، یازی غم منی.
علی‌عسگرم چتین آدام ساییلام،
واجباتدا حروفاتین سایی لام،
لبلرینین حسرتینده ساییلام
بیمروت، دیمیرسن یازیق، ام منی!
موضوع انجمن
افزودن دیدگاه جدید