دی بیر اوز، بیر اوز - عاشیق علی عسگر

دی بیر اوز، بیر اوز - عاشیق علی عسگر

سندن ئوترو عمروم بارین بجردیم،
مبارك دستینله دی بیر اوز، بیر اوز.
ئولوب بو دنیادان حسرت گیدیرم،
ئوز قوی اوزوم اوسته، دی بیر اوز بیر اوز.

ايپك ناز بالیشا مینا دایاندی،
حجر ناله چکدی مینا دایاندی.
حسرتیندن دردیم مینه دایاندی.
سن گلسن آزالار، دی بیر اوز، بیر اوز.

بایقو حسرت چکدی، یارا یئتمه‌دی.
طبیب نشتر ووردو، یارا یئتمه‌دی.
علی‌عسگرین الی یارا یئتمه‌دی.
چالخان غم بحرینده، دی، بیر اوز-بیر اوز.