تاریخ انتشار: 09 ژانویه 2021 شماره مطلب: 34243 تعداد بازدید: 354 نظرات: 0
انجمن‌ها:
دال - دالا - عاشیق علی عسگر
گوزللر سلطانی، ملکلر شاهی،
شاهمار زلفین نه توکوبسن دال-دالا؟!
بویون سرو اوستونده بنزر بوداغا،
مرغ روحوم اوچوب قونار دال-دالا.
گئیدیم غم لباسین یاسین ایچینده،
گله‌جك نکره‌یین یاسین ایچینده،
دوخسان مین کلمه‌ده یاسین ایچینده،
نچه یئرده متصلدی دال-دالا.
درس آلانلار ذکر ائیله‌ییر هر آیا.
بایرام آیی دیمگ اولماز هر آیا،
شاهلار شاهی، ئوزون یتیش هارایا،
من یالقیزام، دشمن ویریب دال-دالا.
بیللم احتاج دگیل سنه مال ایندی،
گییبسن قدینه، صنم، آل ایندی.
جان آلانسان، جانیم، صنم آل، ایندی،
عزرائیلین چنگلیندن دالدالا.
علی‌عسگرم، الدن گیتدی بوتا، یار،
هوشوم گیديب، عاغلیم اولوب بوتاهار،
سینم قویدوم مژگانینا بوتا، یار،
اسیرگه‌مه، آت اوخلارین دال-دالا،
