تاریخ انتشار: 03 ژانویه 2021 شماره مطلب: 34073 تعداد بازدید: 459 نظرات: 0
انجمن‌ها:
اولور - عاشیق علی عسگر
ایکی بدن گوردوم-آلتمیش باشی وار،
متصلدی اوندا غیری سر اولور.
ایکی اوروح گردش وورور، دولانیر،
گاهدان ایکی اولور، گاهدان بیر اولور.
بیریسی سلطاندی - گزیر تخت اوسته.
بیری گاه ساغ اولور، گاه زمان خسته،
قوجالیقدا اولور تزه، نورسته.
جوانلیقدا قوجا اولور، پیر اولور
یوزسکسن قولو وار، اوینار آبنان،
اوچ‌یوز قولاغی وار، سان، حسابینان،
بئش کلمه دانیشیر آفتابنان،
کلمه‌سیندن گوهر اولور در اولور
علی‌عسگرده بو حسابا یتیشدی.
اونو جمع ائیله‌ین بیر دنه قوشدی،
گاهدان بزرگاندی، گاهدان درویشدی،
گاه پادشاه اولور، گاه وزیر اولور
