دنیادا - عاشیق علی عسگر

دنیادا - عاشیق علی عسگر

وارلیینان دوست اولوب، یوخسولا گولمه،
چوخدا هاوالانیب جوشما دنیادا.
ائل سنی ایسته‌ییب، قاباغا چکسه.
آغیر اول یونگوله دوشمه دنیادا.

دردینی بولوشدور قدر بیلننن،
وفالی دوست اولماز اوزه گولننن.
بیر آدام‌که، «سن‌اول» دیسه یالاننان..
اونون کورپوسوندن کئچمه دنیادا،

بو سوزو بگه‌نر بیر عارف، عیار،
بداصل کیمسه‌یه یاپیش، نه یالوار.
قونشویا سویله‌ییب، عالمه یایار،
سرین سیراقوبا آچما دنیادا،

یاخشی اوغول اگر بیر یاخشی آتا،
ئولونجه هئچ‌کسه یتیرمز خطا،
یئری گلسه، خیر ویرر ایلاتا،
اونون آرخاسیندان قاچما دنیادا.

علی‌عسگر سویله‌ییر سوزون آدینان،
عارف مجلسینده هر اثباتینان.
پیر دوست سنله اولسا، سری یادینان
اونو دشمنیندن سئچمه دنیادا،