تاریخ انتشار: 31 دسامبر 2020 شماره مطلب: 33967 تعداد بازدید: 374 نظرات: 0
انجمن‌ها:
یاندیرما - عاشیق علی عسگر
عارف اولان انصافیندان کئچمه‌سین،
من فقیری عشق آتشی یاندیرار.
هئچ کیمسه‌نه عشق اودونا دوشمه‌سین،
آهنی اریده‌ر، داشی یاندیرار.
هر کس گورمک ایسته‌ر یاری پنهاندان،
یوز ایل چکر آه و زاری پنهاندان.
آتشی گیزلیندن، ناری پنهاندان،
کیرپیگی اود وورار، قاشی یاندیرار.
وقتین کئچدی، خطین چالدی، علی‌عسگر!
صرف ائلرسن نه کمالدی، علی‌عسگر؟
بیر سر گوردو حیران قالدی علی‌عسگر،
آیاق اودا یانمیر، باشی یاندیرار.
