ائیلر - عاشیق علی عسگر

ائیلر - عاشیق علی عسگر

جان دئمکله جاندان جان اسگيك اولماز،
محبت آرتیرار، مهربان ائیلر.
چور دئیینین نفعی ندی دنیادا؟-
آباد کونلو ییخار، پریشان ائیلر.

ناکس آدام دانیشیغنان ساز اولو،
کرمدن کم، سخاوتدن آز اولو،
نطفه‌دن قاریشان شئییدباز اولو،
مردده سیغیشدیرماز، ناحق قان ائیلر.

من ایسترم عالم، مؤمن یوز اولا،
میلی حقه دوغرو، یولو دوز اولا،
دیلیینن زبانی اوز-به‌اوز اولا.
علی‌عسگر یولوندا جان قربان ائیلر.