غلط اولماز - عاشیق علی عسگر
غلط اولماز - عاشیق علی عسگر
عارف مجلسینده بیر سوز سویله‌رم
نه هذیان، نه چاشغین، نه غلط اولماز.
نطفه‌دن پاك اولان، لقمه‌دن حلال
معرفت علمینده نابلد اولماز.
بیر حق سؤز سؤیله‌رم عارفلر قانار.
مخنثلر ائتدیگیندن اوتانار،
وارلیقدا دوست اولما، یوخلوقدا کنار
ایگیدم دیینده بو عادت اولماز،
علی‌عسگر، مطلبین خدادان ایسته،
کرم اولماز مخنتده، ناکسده.
بگ‌ليك، کویلوك، سيليك اولان مجلسده،
قاچ که، اوردا خیر، برکت اولماز.
موضوع انجمن
افزودن دیدگاه جدید